Sábado. 08.08.2020
El tiempo

Comezan as obras de mellora de abastecemento e o desbroce en varias parroquias da Laracha

O Concello abre un servizo de asesoramento catastral con cita previa
Comezan as obras de mellora de abastecemento e o desbroce en varias parroquias da Laracha

Esta semana comezarán as obras do proxecto de mellora da rede de abastecemento de auga potable na parte alta das parroquias de Golmar e de Vilaño, no Concello da Laracha. A actuación consiste na ampliación da rede coa instalacións duns 1.500 metros de novas tubaxes que recibirán subministro directo por bombeo desde a estación potabilizadora (ETAP) de Gabenlle. Deste xeito reforzarase o caudal no ramal que abastece aos núcleos de poboación da Viña, As Brañas da Viña, Marfulo, O Igrexario de Golmar e O Ramallal.

O proxecto de saneamento, que será financiado integramente con fondos municipais, suporá un investimento de 45.000 euros.

Así mesmo, tamén arrinca estes días a campaña de roza e desbroce de cunetas nas estradas de titularidade municipal comezará a próxima semana nas parroquias de Montemaior, Soandres, Vilaño, Soutullo, Golmar, Lendo, Lemaio, Erboedo e Coiro despois de que o Concello completase recentemente o procedemento de contratación do servizo. Nestas nove parroquias prevese actuar nunha lonxitude lineal duns 242 quilómetros.
Trátase da segunda fase da campaña anual que o Concello desenvolve cada desde finais da primevera e ata o outono para adecuar a vexetación herbácea das marxes de todas as estradas, vías, pistas asfaltadas e camiños forestais de titularidade municipal.
O Concello destinará máis de 90.000 euros procedentes integramente de fondos municipais á campaña de desbroce deste ano.

Información Catastral

Paralelamente, o Concello ofrece un novo servizo de asesoramento Catastral no edificio de usos administrativos da Laracha (Avenida Fisterra, 60) o segundo e o cuarto mércores de cada mes. O seu primeiro día de atención ao público será o mércores da próxima semana, día 8 de xullo.

Do mesmo xeito que sucede con calquera trámite que se desexe realizar presencialmente no edificio administrativo e na Casa do Concello, os usuarios do servizo de asesoramento catastral deben solicitar cita previa chamando ao 981612811.

comentarios