Novos apoios chegan para o movemento en contra da mina de ouro de Corcoesto cando coñecíamos que a apertura da mesma se retrasa medio ano.

Luís Miguel Domínguez Mencía (Madrid, 1963), considerado actualmente como un dos mellores divulgadores da natureza peninsular e director de programas de grande éxito en TVE como 'Biodiario' ou 'Amazonia: Última llamada' asinou e difundiu este fin de semana ós seus seguidores na rede a petición da Plataforma en Defensa de Cabana de Bergantiños para que o proxecto mineiro de Corcoesto non sexa autorizado.

O naturalista, recoñecido coma o sucesor natural de Félix Rodríguez de la Fuente e embarcado actualmente nun proxecto de defensa do lobo ibérico "Aulla por el lobo", sempre se caracterizou polo seu compromiso na defensa e protección do ámbito rural. En palabras de Rubén Lema, un dos voceiros de 'Salvemos Cabana': "É un magnífico apoio porque coa súa implicación demostrou moita solidariedade coa Costa da Morte e dalle sentido a nosa loita contra a minaría con cianuro en Corcoesto, a importancia que ten protexer o noso ámbito da depredación financeira de multinacionais sen escrúpulos e da corrupción a nivel institucional".

A petición da Plataforma Cabanesa, obtivo dende finais do verán un éxito sen precedentes ao conseguir a firma de case 17,000 persoas mostrando o seu rexeitamento ás políticas do presidente Feijóo en canto ao desembarco da megaminaría a ceo aberto en Galicia, polos graves danos ambientais e sociais que esta pode carrexar.

Novas relacionadas

• 11-10-12: A apertura da mina de Corcoesto retrásase ata o verán do 2013.
• Veciños de Corcoesto trasladan á Xunta o seu malestar ante o perigo da mina.
• A loita por Corcoesto amplíase ao eido arqueolóxico.
• A Fiscalía xa investiga a mina de Corcoesto por un presunto delito contra o medio ambiente.
• A mina de ouro: unha mostra de resistencia organizada.
• A loita contra a mina de Corcoesto colle tintes poéticos.
• Xurxo Borrazás tamén di non á Mina de Corcoesto.
• O BNG pide que a mina de Corcoesto non sexa a ceo aberto.
• Ata Galeano denuncia que a Mina de Corcoesto non cumpre a lei.
• O Goberno argumenta no Parlamento que a mina de Corcoesto creará 500 postos de traballo.
• ADEGA considera obsoleta a tecnoloxía da Mina de Ouro de Corcoesto.
• A febre do ouro exténdese a Zas mentres denuncian irregularidades no proxecto de Corcoesto.
• Os fumigadores si andan pola Costa.
• 1.300 sinaturas presentadas contra a Mina de Ouro de Corcoesto.
• A mina de Corcoesto chega ao Parlamento.
• Os veciños da Plataforma de Corcoesto denuncia prácticas intimidatorias do alcalde cabanés.
• Denuncian as falsas expectativas de emprego da mina de ouro de Corcoesto.
• A mentira das palabras máxicas .
• 04-05-12: Creada unha Plataforma contra a Mina de Ouro de Corcoesto.
• 12-03-12: Accidente laboral na mina de ouro Corcoesto.
• ADEGA espera para valorar o impacto da Mina de ouro de Corcoesto e enfróntase con La Voz.
• A mina de ouro de Corcoesto axiliza a súa posta en marcha co apoio das administracións e oposición dos ecoloxistas.
• O ouro de Corcoesto non brilla tanto.

Máis novas

• A bitácora da semana (CLXXXIV): Salvemos Cabana.
• A bitácora da semana (CLXXXV): Non á mina.

Fonte

• Nota de prensa da Plataforma pola Defensa de Cabana de Bergantiños.