Menudo lío que se monta en #ExpoCoruña con este Forum Gastronómic. Non nos estraña nada a sona que ten como unha referencia gastronómica única, co mellor da cociña galega, nacional e internacional. Ollo que o ano pasado pasaron 21.000 persoas polo Forum, e este arrinque vai camiño de batela marca…

Pois era a dominical a primeira xornada, a máis adicada ao público en xeral (luns e martes continúa, pero máis enfocada aos propios hosteleiros) case se podía colgar o cartel de completo. Non había espazo para ningunha presentación, e conseguir un anaco nas catas queixo, marisco, xamón… produtos todos de primeira calidade, era toda unha demostración de paciencia.
Pero merece a pena, e tanto, como comer na parte lateral, onde se pode comer de marabilla nunha serie de postos itinerantes vintage. Curioso pareceunos o feito de que, a pesar de tanta elaboración e cocina 2.0, a meirande cola, a das #Galeguesas (hamburguesas con carne galega) de toda a vida!

A Costa da Morte, moi presente

Pero quixemos achegarnos ata o Fórum para coñecer de primeira man a presencia da Costa da Morte. Invitados estivemos pola nova empresa carnotá de venda de marisco online Fresco y del mar. Puidemos degustar unha fantástica lubina salvaxe, i é que a pesca artesanal e sustentable é un axioma para este proxecto, como distintivo ante a marea de iniciativas de venda a través da rede cada ano.

Puidemos falar ademais con Emilio Louro, Milucho, home tan vencellado ao mar despois de estar 20 anos no pósito de Lira, participando activamente nun exemplo a nivel mundial como é a Reserva Mariña dos Miñarzos a pesar do esquecemento administrativo. E puidemos escoitalo na presentación no stand de Turgalicia, da súa proposta gastronómica, da man de 3 restaurantes do Freixo.

Puidemos ver tamén ás xentes do GAC3, que presentaron un posto coa xente de Conservas Cerdeimar, Panadería Forniños, Lonxamar.com e as Mariscadoras do Anllóns.

E vimos tamén o posto de Distribucións Guimareu, a marca ceense espallada por Galicia, quixo amosar todos os seus produtos e posibilidades.

Tamén estaba presente o Polbo de Lonxa, que ademais, despois de moitas vicisitudes cos maioristas, terá unha boa ocasión de chegar aos mellores restaurante da man dunha gran distribuidora.

Novas relacionadas

• A solta de alevíns na Reserva Mariña, mera acción formativa.
• Do mar costeiro á mesa madrileña.
• O Polbo de Lonxa, local e sustentable, chama ás portas da hostalería madrileña.
• Experiencias de venda online de marisco da Costa da Morte.
• Pódese vender marisco pola rede?.
• Este Nadal, sabes o que comes?.

Fonte

• Redacción de QPC ([email protected]).