Xa temos os Resultados completos nestas Eleccións Municipais 2011 nos 15 concellos da Costa da Morte.

Ademais, xa puidemos facer unha nova valoración dos Resultados en www.eleccionscostadamorte.com, repasando os posibles pactos e valorando a incidencia da Operación Orquesta.

Como primeira valorazión podemos dicir que a Operación Orquesta non afectou aos imputados, máis ben todo o contrario, pois os 3 alcaldes se manterán probablemente a alcaldía e mesmo o alcalde de Cee erixiuse como a forza máis votada con IxCee.

Resaltamos que houbo 5 maiorías absolutas: en Dumbría e Muxía (polo PSOE); en Cabana e Ponteceso (polo PP) e en Zas (polo BNG).

Datos comarcais

Comarcalmente, o PP é a forza máis votada, relevando ao PSOE. 6 grupos do PP foron a forza máis votada, con 18.632 votos, 1.363 votos menos que no 2007. O PSOE baixou considerablemente e acadou 15.867 votos, 5.028 menos que no 2007, pero é a forza máis votada tamén en 6 concellos. Pola súa banda o BNG recibiu 11.949 votos, 462 que no 2007.

O BNG é a forza máis votada en Zas e Vimianzo, mentres que en Cee IxCee dá un volco aos resultados do 2007 e é a única forza independente máis votada.

Temos 5 maiorías absolutas: en Dumbría e Muxía (polo PSOE); en Cabana e Ponteceso (polo PP) e en Zas (polo BNG).

Participación

Subiu ata 15 puntos a participación na Costa da Morte con respecto ao 2007. Se daquela só votaran o 63.6%, na xornada deste 22 de maio foi o 78.86% dos 66.723 posibles votantes.

Ademais, os partidos minoritarios subiron en máis de 2000 votos.

Concello a Concello

• Cabana: Maioría aplastante do PP en Cabana con 9 concelleiros e 2 do PSOE.
  - PP 2491 votos 75,17% (9 concelleiros); PSOE 535 votos 16,14% (2); BNG 256 votos 7,72% (0).
• Camariñas: O PSOE é a forza máis votada pero o PP achégase. Pichurri mandará en maioría, que o BNG non acadou ningún concelleiro.
  - PP 1874 46.09 (6 concelleiros); PSOE 1950 47.91 (7) e BNG 199 4.94%.
• Carnota: O PP baixa 2 concelleiros e PSOE e BNG poderán pactar para substituir no goberno ao PP.
  - PP 1386 votos 44.49% (5 concelleiros); BNG 1043 votos 33,48% (4); PSOE 637 votos 20.45% (2).
• Cee: A tremenda subida do grupo do imputado IxCee déixao como forza máis votada, cunha subida do BNG. Os pactos, de toda índole, poderán ter moita importancia para determinar o grupo de goberno.
  - IxCee 1876 votos 37,27% (5 concelleiros): PP 1278 25,39% (4); BNG 1169 votos 23,22% (3) e PSOE 600 votos 11,92% (1)
• Corcubión: O PSOE amplía a vantaxe pero unha reedición do pacto BNG-PP podería darlle a alcaldia a Oscar Insua.
  - PSOE (527 votos) 43.3% 4 concelleiros; BNG (359 votos) 29.50% 3 concelleiros: PP (245 votos) 20,13% 2 concelleiros; PACOR (75 votos) 5.34. En blanco 13 e nulos 10.
• Dumbría: Pequeño mantén a súa aplastante supremacía.
  - PSOE 71.89% (9 concelleiros); PP 12,09% (1); PIED 10,79 (1)% (1) e BNG 4,64% (0).
• Fisterra: A falta de que se solucione o asunto nunha mesa, o PP mantería a maioría e PSOE e BNG non chegarían ao goberno nin pactando. Con todo o BNG asegura que impugnará o reconto.
  - PP 1503 votos 48.97% (6 concelleiros); PSOE 817 votos 26,62% (3) e BNG 705 votos 22.97% (2)
• Laxe: Antón Carracedo e o seu PSOE mantense como a forza máis votada pero baixa e sobe o PP. Un triple pacto de BNG-IxLaxe-PP daría o poder aos populares.
  - PSOE 1005 votos 42,68% (5 concelleiros); PP 763 votos 32,40% (4); IXL 328 votos 13,93% (1) e BNG 240 votos 10,19% (1).
• Malpica: Tremenda subida do PP de Eduardo Parga que só perdería o poder se BNG e PSOE pactan un novo bipartito.
  - PP 1671 votos 38,07% (6 concelleiros); PSOE 1207 28.42% (4); BNG 581 votos 13,68% (2); AIM 533 12,55% (1) e TEGA 234 votos 5,51%
• Mazaricos: Non afecta a Operación Orquesta e o PP de Santos Maneiro só baixa un concelleiro trala entrada forte do PIMAZ que entrará no Concello con 2 edís.
  - PP 1544 votos 47.22% (6 concelleiros); e BNG 824 votos 25,14% (3); PIMAZ 742 votos 22,64% (2); e PSOE 156 votos 4,76% (0).
• Muros: Loita tremenda entre os 3 partidos. O PSOE é a forza máis votada de novo, pero un novo pacto BNG-PP deixaría a María Xosé Alfonso de alcaldesa polo BNG.
  - PSOE 2282 votos 39,92% (6 concelleiros); BNG 1762 votos 30,82% (4) e PP 1508 votos 26,38% (3).
• Muxía: Félix Porto sobe e arrasa con maioría absoluta.
  - PSOE 2290 votos 57.67% (8 concelleiros); PP 1353 votos 34.07% (4) e BNG 296 votos 7.45% (1).
• Ponteceso: Maioría absoluta do alcalde popular Fondo Aguiar que ampliou a vantaxe. - PP 2293 56.66% (8 concelleiros); PSOE 793 votos 19.59% (3); BNG 506 votos 12,50% (1) ; APIN 280 votos 6,92% (1); TEGA 127 votos 3.14% (0)
• Vimianzo: a vitoria do BNG fai que un pacto entre PSOE e BNG deixe a Antelo como Alcalde nun bipartito.
  - BNG 1722 votos 29,69% (4 concelleiros); PP 1480 votos 25.52% (3); IxVim 1407 votos 24,26% (3) e PSOE 1132 votos 19.52% (3).
• Zas: Refrendado o traballo de Lolo Muíño como alcalde polo BNG.
  - BNG 2136 votos 55,71% (8 concelleiros); PP 818 votos 21,34% (3); CG 635 votos 16.56% (2); PSOE 217 votos 5,66% (0)

Toda a información en www.eleccionscostadamorte.com

• Resultados das Eleccións 2011.
• IkiMap cos Resultados das Eleccións 2011.
• Táboa cos Resultados das Eleccións 2011.
• Valoracións Eleccións 2011: O gusto polas Orquestas.

Todo o seguemento das Eleccións do 22 de maio en www.eleccionscostadamorte.com.

Máis información

• www.eleccionscostadamorte.com.