A Mostra do Encaixe expándese a Vigo
07:10 17/03/16
Representantes do concello de Camariñas presentaron onte en Vigo a XXVI edicióon da Mostra do Encaixe
Primeiro en Madrid, despois en Cee e agora en Vigo. Os organizadores da XXVI Mostra do Encaixe continúan co seu plan de presentación a poucos días de inciarse un dos eventos artesanais máis importantes do panorama nacional. Onte representantes do concello de Camariñas acudiron á Vigo para presentar ante a presidenta da Deputación de Pontevedra, Carmela Silva, e o alcalde de Vigo, Abel Caballero, a feira que terá lugar entre o mércores e o domingo da vindeira semana. Ao finalizar o acto de presentación, tivo lugar a representación do musical "Keltia" que tamén se intepretará en Camariñas o venres santo a cargo de Bruxo Queimán e Andrea Pouso, de Vigo. Os representantes políticos estiveron acompañados de dúas palilleiras que fixeron unha demostración en directo do seu traballo artesanal.
Tanto Abel Caballero como Carmela Silva eloxiaron ao concello camariñán pola organización desta feira que reunirá a representantes de catorce países e unha boa cantidade de visitantes procedentes de distintos puntos da comunidade. Ademais, as autoridades pontevedresas comprometéronse a acudir ao evento.
Eloxios
Carmela Silva, presidenta da Deputación de Pontevedra, destacou que esta feira é xa conocida a nivel internacional e eloxiou a implicación que supón no mundo da moda debido á participación de prestixiosos deseñadores. Silva invitou aos asistentes a acudir á mostra e a "namorarse de Camariñas".
Pola súa banda, Abel Caballero - alcalde de Vigo - tamén alabou a "extraodinaria beleza" do encaixe que realizan as palilleiras de Camariñas e recordou que no "corazón de Vigo" tamén se pode atopar esta artesanía procedente do municipio camariñán. O rexedor definiu a feira de Camariñas como un "acto moi sensible e moi importante".
O alcalde de Camariñas, Manuel Alonso de León, coincidiu en alabar o traballo das palilleiras e insistiu en que eventos como este "que non hai no mundo enteiro" foron capaces de "facer país e facer marca España" ademais de recuperar unha artesanía que estaba "desprestixiada".
Ao acto de presentación da Mostra do Encaixe en Muxía tamén asistiu a concelleira Sandra Ínsua, responsable do evento. Ínsua fixo especial fincapé na relación da Mostra de Camariñas coa moda, debido ao uso deste producto nas pasarelas e da man de recoñecidos modistos. Ademais, recoñeceu que a "carreira" de moitos deseñadores parte deste certame grazas ao concurso de Deseñadores Novele no que este ano participan 30 persoas.
Rosa Mouzo, veciña de Camariñas, foi a responsable do cartel da Mostra do Encaixe que se extende ao longo e ancho da comunidade.
Novas relacionadas
- Catorce países participan na Mostra do Encaixe coa estrea de Arxentina
- En marcha a Mostra do Encaixe, o motor económico da comarca
- Camariñas presentouse en Madrid.
- O primeiro campamento náutico pola Mostra do Encaixe
- Rosa Mouzo: “As mulleres de Camariñas levamos o encaixe na pel”.
- O encaixe de Camariñas chega ao Parlamento de Galicia
- Atopan a que podería ser a peza de encaixe máis antiga que se coñece na Costa
- Mostra 2015: A Mostra do Encaixe bate marcas con máis de 23.000 visitantes
- Mostra 2015: Comezo reivindicativo dos 25 anos de Mostra de Encaixe.
- A moda, a gran protagonista dos 25 anos da Mostra do Encaixe.
- Teddy Vilán, a primeira mascota da Mostra do Encaixe.
- O Encaixe de Camariñas, o que máis triunfa na FITUR.
- Un corazón para celebrar os 25 anos da Mostra do Encaixe.
- Camariñas defende a súa promoción virtual do mar.
- Mostra 2014: A Mostra do Encaixe segue crecendo tras recibir a máis de 20.000 persoas.
- Mostra 2013: O Encaixe continúa sumerxíndose no século XXI.
- Mostra 2012: 17.000 visitantes fan do Encaixe un produto de moda a pesar dos recortes.
- Mostra 2011: Camariñas pon a tradición de moda.
- Mostra 2010: Alberto Neves gañou o Concurso de Deseñadores Noveis.
- Mostra 2010: A cara máis sensual do encaixe.
- Unha de Festas de Interese Turístico na Costa da Morte.
- Relatos da Costa, Un século máxico: Hoxe: Encaixe (Camariñas, 1.999).
- Redacción QPC ([email protected])
- Mostra do Encaixe