Luns. 26.08.2019
El tiempo

A novela sobre U-49 de Rafael Lema representará a Galicia un congreso luso-galaico

A novela sobre U-49 de Rafael Lema representará a Galicia un congreso luso-galaico
Novela sobre o U-49 de Rafael Lema

O autor de Ponte do Porto, Rafael Lema, un dos nosos meirandes especialistas en materia de naufraxios, representará á literatura galega como autor invitado no 20 Encontro Luso-Galaico-Francés do Livro Infantil e Xuvenil que terá lugar na Escola Superior de Educaçao da Universidade de Oporto (Portugal) os días 12 e 13 de decembro. Este encontro internacional leva o epígrafe “De como a literatura para a infancia e a juventude é chamada a guerra”, en conmemoración do centenario da Gran Guerra e do 75 aniversario da Guerra Civil Española.

O autor intervirá ás 12 horas do día 12 para falar da súa novela U-49 editada por Tambre-Edelvives, baixo o tema “A grande guerra submarina desde Galicia”, e estará acompañado pola profesora Isabel Mociño González que realizou un traballo sobre a obra.

Unha novela que trata sobre as accións do submarino alemán U-49 nas costas galegas contra os convois aliados, cando afundiu 41 mercantes baixo o mando do komandant Richard Hartmann. A novela está ambientada na ría de Camariñas no tramo final da Gran Guerra e foi a seleccionada para representar á literatura galega neste encontro internacional polo comité organizador, do que forma parte a Universidade de Santiago. A obra resultou finalista do premio Martín Sarmiento en 2008.

Ademais no encontro de escritores e lingüistas galegos e de varios países de fala portuguesa e francesa por parte da comitiva galega coordinada por Branca Roig tratásense temas como “A febre do wolframio durante a Segunda Guerra Mundial”, “A guerra na obra de Agustín Fernández Paz”, “A guerra na educación secundaria de Galicia”.

Novas relacionadas

Máis novas de naufraxios

Novas sobre naufraxios

Outras novas

Fonte

Comentarios