Mércores. 17.07.2019
El tiempo

SAÚDE

O Concello de Camariñas xa ten un hábito de vida saudable

Camelle acollerá do 15 ao 19 deste mes unhas Xornadas de Pinchos Saudables

Cartel Xornada Pinchos Saudables de Camelle
Cartel Xornada Pinchos Saudables de Camelle
O Concello de Camariñas xa ten un hábito de vida saudable

O Concello de Camariñas, en colaboración co Consultorio de Camelle, o doutor Fernando Cuadrado, a Farmacia de Camelle e a Asociación de Veciños A Pergoliña organizará do 15 ao 19 de marzo as ‘Xornadas de pinchos saudables’ en Camelle, onde establecementos da localidade participarán neste evento gastronómico.

Así, o Café-Bar A Molinera, o Café-Pub Marítimo, o Bar Rotterdam, o Bar O Estanco e o Bar Paella de Camelle serán os locais adheridos a esta actividade, onde todas as persoas que así o desexen poderán participar nesta ruta.

Estes locais repartirán as cartolinas para poder selas as participacións, unha por cada bar, e deberanse cubrir as cinco para entrar no sorteo dun bono agasallo de 100 euros. Lembramos que é indispensable rechear as 5 casiñas do cartón cos selos de todos os bares participantes.

O sorteo efectuarase o 21 de marzo, e o Concello de Camariñas poñerase en contacto coa persoa agraciada.

Comentarios