Días de despedidas neste final de agosto. Remataron os campamentos de verán tamén en Camariñas, que se desenvolvían entre os Obradoiro de Conciliación e o de Actividades Náuticas.109 nenos e nenas puideron gozar destas sesións que comezaron o 25 de xuño e se levaron a cabo aplicando un completo protocolo de seguridade para evitar contaxios por Coronavirus.

As aulas do CEIP O AREAL, o Pavillón Polideportivo Municipal “Víctor Vigo”, o Club Náutico de Camariñas (actividades náuticas) foron os escenarios das 4 quendas de campamentos.

O Concelleiro Fabián Canosa destacou que “todo transcorreu ben, cumprindo tanto os monitores como os participantes todas as medidas do protocolo e tamén acadouse o obxectivo principal das actividades: darlle unha opción ás familias de conciliar e permitindo gozar aos nenos e nenas de Camariñas de actividades ao aire libre no verán”.