O Concello de Camariñas comezou hoxe os traballos de renovación da fachada da biblioteca municipal, situada na praza da Insuela, co obxectivo de tela preparada para o inicio do novo curso xa que é o momento no que conta con maior actividade.

Os participantes na escola taller son os encargados de levar a cabo estes traballos de acondicionamento do exterior do edificio, que se atopaba desgastado polo paso dos anos.