Sábado. 28.11.2020
El tiempo

O Rebumbio da Costa comezará a faserse oír con concertos en Camariñas e Corcubión

O Rebumbio da Costa comezará a faserse oír con concertos en Camariñas e Corcubión
Concertos presentacion Rebumbio da Costa

Presentabamos en sociedade hai un par de semanas a “Rebumbio na Costa Asosiación Cultural”. Unha proposta que nace para que a música, feita na Costa da Morte, volva soar nas salas da volta, e para seguir loitando contra a ditadura da verbena.

E xa teñen data para os concertos de presentación. Se ben aínda falta algunha confirmación, os primeiros concertos serán o sábado 8 de marzo en Aldea Madeira, Camariñas; e o sábado 22 de marzo na Cola da Rá de Corcubión.

Será un bo momento para, ademais de escoitar a música da zona, tomar nota de todas as actividades que están a propoñer dende a asociación, que arrincarán no mes de abril con clases de técnica, un club para cativos, talleres, ou mesmo master class. De feito xa invitan a facerse socio para poder disfrutar das súas propostas e botar unha man para sacar adiante a entidade.

Concertos de presentación

A primeira posta en escena da asociación será o sábado 8 de marzo, en pleno enterro dos entroidos, e se fará a partir das 23:00h nas esquecidas e recuperadas para a ocasión instalacións de Aldea Madeira. Estará o Leö Kch co seu rap costeiro, acompañado por Dj Kras. Estará tamén o grupo santiagués Tungsteno e os sarrianos Licor Café Rock Band.
Para a cita do sábado 22 de marzo en Corcubión, teremos a "Patxaranga", banda formada por varios grupos do coruñés rumbeiro Chotokoeu, acompañados dos "Duendes Escapaos" emais "The Fe Kaos".

Actividades

Folleto do Rebumbio da Costa

Máis información

Novas relacionadas

Outras novas festivaleiras

Fonte

comentarios