Papa Noel visita Camariñas   A Asociación de Empresarios e Promoción Turística de Camariñas ven de anunciar a posta en marcha das actividades de promoción polo Nadal. En concreto, desde xa estanse a repartir as rifas entre os asociados, co fin de incentivar as ventas nestes días. Así, sortearanse dous premios en combinación coa ONCE os días 26 e 28 de Xaneiro de 2018. O premio será de 300€ e o segundo 200€ en vales de compra para consumir durante os meses de xaneiro e febreiro nos establecementos participantes. Ademais, os máis cativos poderán entregar as súas cartas a Papá Noel, e os clientes que merquen entre o venres 15 e o sábado 16 nos establecementos participantes na iniciativa entrarán nun sorteo.