Remataron xa as obras de mellora dos accesos do paseo marítimo de Camelle, que contaron cun orzamento total de 68.232,43 euros.

Os traballos incluíron a rehabilitación e renovación dun tramo da rúa Campo de Area, que dá acceso ao paseo marítimo, dentro do núcleo urbano de Camelle. Renovouse a rede de saneamento, construíuse unha nova rede de pluviais, e tamén novas acometidas de saneamento, pluviais e abastecemento de auga. 

Dentro deste proxecto levouse a cabo a urbanización da rúa anteriormente mencionada, a de Campo de Area, co obxectivo aumentar a seguridade dos peóns e acondicionala para persoas con mobilidade reducida.