O BNG de Camariñas, tralos resultados nas Eleccións Municipais (apenas subiu 3 votos con respecto a 2015), vén de celebrar unha asemblea onde entre outros asuntos se decidiu renovar ao responsable local, tomando as rendas do órgano de dirección do BNG na localidade.

É Xurxo Rodríguez Baña, natural de Camelle, o escollido como a persoa que virá a tomar a responsabilidade é, quen será o encargado de tentar levar a organización do BNG Camariñán a novas cotas, dándolle o relevo a Manuel Camiño.

Seguirá Ilva Carril como portavoz e será a que entre no pleno coa única acta de concelleiro que conseguiu o partido.

Novas relacionadas

• Eleccións #Municipais19 en Camariñas: O PSOE aumenta a súa maioría.
• Ilva Carril: "O partido que queda despois de Pichurri segue sendo o mesmo lobo con pel de cordeiro"