A empresa Construcciones y Obras Andújar será a encargada de realizar as obras de mellora do firme da estrada provincial de acceso á igrexa de Cances, no termo municipal de Carballo, por importe de 74.470 euros, tal e como vén de adxudicar a Deputación da Coruña. As obras consistirán na mellora da capa de rodaxe da estrada DP-1908, entre os puntos quilométricos 0,00 e 1,360, mediante o extendido dunha capa de mistura bituminosa en quente tipo AC 16 SURF 60/70 de cinco centímetros de espesor en todo o ancho da calzada. Previamente ao extendido de dita capa de rodadura, realizarase o desbroce e a limpeza dos arcéns en ambas marxes da estrada e aplicarase un dobre tratamento superficial mediante regos con gravilla nas zonas nas que o firme presenta fisuras ou irregularidades. O proxecto contempla tamén a posta a cota das tapas de rexistro e sumidoiros existentes, a reposición das marcas viais e sinais de tráfico e o repintado de símbolos e pasos de peóns. O prazo de execución dos traballos é de tres meses. Novas relacionadas

• 22-07-16: A Deputación abre a licitación da mellora da estrada de Carballo a Sísamo
• Carballo adxudica por máis de 47.000 euros a limpeza das cunetas do municipio

Fonte

• Redacción QPC ([email protected])
• Deputación da Coruña