O vindeiro 2 de outubro, vaise desenvolver en 44 puntos de Galicia unha nova edición do Proxecto Móllate polos ríos. Terá lugar a IX Limpeza Simultánea de Ríos que organiza ADEGA por todo o país, pero na Costa da Morte apenas unha entidade e un concello parecen implicados.

Nos últimos anso tamén participaba o Concello de Muxía, pero este ano só o fará o Concello de Carballo que colabora coa actuación da Asociación Senda Nova. Se queren participar e botar unha man para deixar o Anllóns un pouco máis limpo, só teñen que poñerse en contacto coa entidade, chamando a Manuel (639 549 361).

O Proxecto Ríos é un programa de Educación e Voluntariado Ambiental que ten a finalidade de dar a coñecer o importante papel dos cursos fluviais, amosar as súas problemáticas así como fomentar iniciativas que permitan á cidadanía o mantemento e a mellora dos ríos proporcionando as ferramentas que garantan a súa participación.

Novas relacionadas

• Xuño 15: A Costa da Morte foi a zona con máis conciencia na Limpeza Simultánea de Praias.
• Febreiro 15: 3 ríos costeiros, un pouco máis limpos.
• 2012: Carnota, Muxía e Zas limpan os seus ríos.
• ADEGA outorga o Premio Osíxeno 2014 ao presidente da Asoar-Armega.
• Unha ollada ao estado de saúde dos ríos da Costa da Morte.
• # Mark Adkinson, presidente de AEMS-Ríos: De quen son os ríos?

Fonte

• Redacción de QPC ([email protected]).