Domingo. 21.07.2019
El tiempo

Máis dun centenar de [email protected] xa se inscribiron na Feira de Emprego que a Cámara organiza este xoves en Carballo

Empresas de distintos sectores, como Grupo Calvo, Gadisa, Herfraga, Mapfre ou Prosegur, recollerán currículos e farán entrevistas de traballo
 

Imaxe dunha Feira de Emprego da Cámara de Comercio na Coruña
Imaxe dunha Feira de Emprego da Cámara de Comercio na Coruña
Máis dun centenar de [email protected] xa se inscribiron na Feira de Emprego que a Cámara organiza este xoves en Carballo

Máis de 100 mozos e un total de 20 empresas inscribíronse ata o momento para participar na IV Feira de Emprego da Cámara de Comercio da Coruña, que por primeira vez celebrarase en Carballo. Será o próximo 4 de abril, no auditorio de Fórum Carballo, de 10.00 a 14.00 horas.

No acto de apertura, cuxa inauguración correrá a cargo do presidente e do director xeral da Cámara de Comercio da Coruña, Antonio Couceiro e Gonzalo Ortiz, respectivamente, participará o xornalista Luís Fraga, que na súa intervención explicará aos mozos a importancia do esforzo e tamén a necesidade de prepararse a conciencia para superar con éxito os procesos de selección laboral, cada vez máis competitivos. O acto tamén contará coa presenza do alcalde de Carballo, Evencio Ferrero.

Na súa aposta por combater o paro xuvenil, a entidade cameral organizou para o xoves, 4 de abril, unha intensa xornada onde os mozos poderán entregar o seu currículo e entrevistarse con responsables de Recursos Humanos dalgunhas das empresas máis punteiras da provincia, ademais de asistir a charlas impartidas por destacados expertos en empregabilidade, xestión de emocións e autoempleo.

Grupo Calvo, Gadisa, Herfraga, Softtek, Vegalsa-Eroski, Mapfre e Prosegur son algunhas das 20 empresas que xa confirmaron a súa presenza na feira, contando ademais con procesos de selección abertos.

O requisito, estar no Programa de Garantía Xuvenil.

Para participar na IV Feira de Emprego é necesario estar inscrito no Programa de Garantía Xuvenil que impulsa a Cámara de Comercio da Coruña desde 2015. Neste sentido, desde a institución animan a formar parte da iniciativa e a apuntarse. A inscripción é gratuita e debe facerse na web www.feriaempleocoruna.es. As persoas interesadas en ter máis información poden chamar ao 981 216 072.

Máis información

Comentarios