Venres. 05.06.2020
El tiempo

O PP denuncia que Carballo lidera a lista de concellos que menos investimento social realizan por habitante

O PP denuncia que Carballo lidera a lista de concellos que menos investimento social realizan por habitante
O grupo municipal do Partido Popular en Carballo, a través do seu portavoz, Aurelio Núñez, ven de denunciar que o executivo local permanece “impasible e de brazos cruzados” a pesar dos datos recollidos no informe elaborado pola Asociación Estatal de Directores e Xerentes en Servizos Sociais que confirman que o municipio carballés lidera a clasificación de concellos de Galicia que menos investimento social realizan por habitante. Aurelio Nunez e Alejandro Gomez Aurelio Núñez e Alejandro Gómez falando da Autovía Costa da Morte O ránking, elaborado a partir dos datos que facilita o Ministerio de Facenda e Administracións Públicas, en base á liquidación do orzamento do ano 2016, está liderado por Carballo cun investimento de 40,25 euros por veciño, situando ao municipio ao límite da pobreza en investimento social dos concellos de máis de 20.000 habitantes. “Gustaríanos saber cal é a opinión do alcalde sobre un dato que pon ao descuberto a pouca importancia que o goberno local outórgalle a un asunto fundamental para o benestar dos carballeses”, apuntou Núñez. Neste senso, desde o grupo municipal do Partido Popular Carballes consideran este feito o “suficientemente grave” para instar ao goberno local a tomar cartas no asunto canto antes.

comentarios