Martes. 22.10.2019
El tiempo

3 andainas saudables pola natureza de Carnota

3 andainas saudables pola natureza de Carnota

Volven as Andainas Saudables a Carnota durante os meses de outubro, novembro e decembro. Rutas que partirán ás 9:30 da mañá, que teñen unha lonxitude que ronda os 10 km e un tempo estimado de 3 horas e media.

A primeira das andainas é sen dúbida unha das máis demandas, a subida ao Monte Pindo dende O Pindo. A cita terá lugar o próximo sábado día 12 de outubro.

A segunda é unha ruta circular que une as parroquias de Lira e Lariño a través da Senda Verde, situada a unha cota dos 200 metros sobre o nivel do mar e a Senda Azul, pola línea de costa. Esta combinación fai que se poda desfrutar de mar e monte en apenas uns metros. Esta segunda ruta terá lugar o 17 de novembro.

O itinerario da terceira das andainas prevista para o 15 de decembro, tamén é circular e unirá os lugares de O Pindo e Quilmas, visitando distintas representacións de arquitectura popular, como o Portiño de Quilmas ou as antigas fábricas de salazón.

Inscrición

As inscricións deberán formalizarse polo menos dous días laborais antes da realización de cada actividade.
Para inscribirse ou consultar máis información pódelo facer chamando ao Departamento de Cultura, Turismo e Deportes do Concello de Carnota: 981857032 ou enviando un email a: [email protected]

Comentarios