Venres. 29.03.2024
El tiempo

Carnota fomenta o cooperativos como opción de emprendemento

Carnota fomenta o cooperativos como opción de emprendemento
Rede de cooperativismo Eusumo

Segue a ser o cooperativismo un camiño por aproveitar na Costa da Morte. E nesa liña chega un interesante obradoiro da Rede Eusumo titulado “Emprender baixo a fórmula cooperativa, unha boa opción de emprendemento”. A cita será este 26 de xuño no Concello de Carnota en horario de mañá de 10:00 a 13:00 h.

Con este obradoiro, Dirección de Traballo e Economía social da Consellería de Traballo e Benesta busca achegar o modelo empresarial cooperativo a persoas desempregadas e persoas que están a buscar unha alternativa de autoemprego. Ademais, preténdese amosar as vantaxes e particularidades da fórmula cooperativa como modelo empresarial máis axeitado para emprender nos momentos actuais.

Entre os obxectivos que persegue con este obradoiro destacan:

• Achegar o modelo cooperativo a persoas desempregadas e persoas que están a buscar unha alternativa de autoemprego. • Dar a coñecer o modelo cooperativo: as súas características e particularidades. • Achegar aos participantes experiencias reais de cooperativas. • Coñecer os pasos para crear un proxecto cooperativo. • Mostrar os recursos e ferramentas a disposición do impulso ao cooperativismo.

Este obradoiro, dirixido a persoas desempregadas e persoas que están a buscar unha alternativa de autoemprego. E a Inscrición, de balde, pode realizarse ata o 25 de xuño de 2015. Pódeste inscribir chamando ao telefono 981 55 80 08 ou a facilitando o teu nome, DNI, teléfono e correo electrónico ao enderezo [email protected].

Fonte

Comentarios