Xoves. 28.03.2024
El tiempo

Muros e Carnota poñen en marcha o obradoiro de emprego dual "Sete fontes"

Muros e Carnota poñen en marcha o obradoiro de emprego dual "Sete fontes"
Un total de 20 alumnos/as recibirán nos próximos meses a formación correspondente ao obradoiro de emprego dual "Sete Fontes" promovido polos concellos de Muros e Carnota e financiados pola consellería de Economía, Emprego e Industria. Este programa mixto de emprego e formación terá unha duración de nove meses, cunha etapa de formación en alternancia co traballo ou práctica profesional, que estará dirixida á aprendizaxe, cualificación e adquisición de experiencia profesional. Neste obradoiro de emprego dual ofertaranse dúas especialidades. Unha de "Atención socio-sanitaria a persoas no seu domicilio", para a cal é necesario ter unha titulación mínima da ESO ou equivalente; e outro de "Interpretación e Educación Ambiental" no que se traballarán as habilidades de comunicación sobre o medio ambiente, a interpretación dos seus valores e a súa problemática. Esta especialidade terá asociada un módulo de Información turística Local e Comarcal e para participar nela é preciso unha titulación mínima de Bachiller, ciclo medio ou equivalente. Destinatarios Un dos requisitos para participar no obradoiro de emprego "Sete Fonte"  é estar inscrita no Servizo Público de Emprego e ter solicitado na Oficina de Emprego o código de "Obradoiros de Emprego". Os/as interesados/as poden obter máis información nos números e teléfono 981 82 60 50 (concello de Muros) ou no 981 85 72 17 (concello de Carnota). Fonte      

Comentarios