Non deixa de ser unha boa ocasión para toda esa mocidade que vai e vén cada fin de semana das capitais galegas á casa cada durante o curso. Unha oportunidade para pasar un verán na casa, e ocupado cun traballo.

Así que o Concello de Carnota está a organiza un novo Curso de Monitores de Actividades de Tempor Libre, curso homologado pola Xunta de Galicia. O curso ten unha duración total de 350 horas, distribuídas en dous módulos (teórico e práctico).

O módulo teórico consta de 200 h e desenvolverase de xeito intensivo, durante 20 días (4 semanas), en horario de 9:00 a 14:00 h e de 16:00 h a 21:00 h. Posteriormente desenvolveríanse as 150 h prácticas restantes.

Inscrición

Para apuntarse a este curso cómpre ter o título de EXB, ESO, F.P. ou equivalente.
O grupo terá que ser dun mínimo de 15 persoas e dun máximo de 25. Deste xeito, o prezo poderá oscilar entre os 200 € e os 333 €, en función do número de persoas inscritas.
As persoas interesadas poden obter máis información e efectuar a súa inscrición no Departamento de Cultura do Concello de Carnota (981 857032).
O prazo de inscrición remata o 10 de maio.

Novas relacionadas

• Un MAR de arte agrícola en Carnota.
• Programación continua, receita para encher os auditorios.
• Leo Bassi e Pallasos en Rebeldía rompen o muro da desinformación en Corcubión.

Fonte

• Nota de prensa do Concello de Carnota.