O BNG acusa á Xunta de "sectarismo" na paralización do proxecto de saneamento do Pindo
08:11 31/05/18
Pancartas dos veciños do Pindo contra a Xunta
O caso do saneamento de Carnota volveu onte ao Parlamento Galego. Durante a comisión de Ordenación do Territorio celebrada onte o deputado do BNG, Luís Bará preguntou ao goberno pola execución do proxecto de saneamento da parroquia de Lariño, no concello de Carnota, redactado no ano 2010. Trala resposta do director de Augas de Galicia, o parlamentario do BNG afirmou que a Xunta paralizou o proxecto porque nas eleccións cambiou o goberno de Carnota e acusou á Xunta de “sectarismo”.
A estas alturas e despois de falar co alcalde nacionalista, Ramón Noceda, explicou o deputado do BNG, podemos confirmar que non existe “ningunha notificación, nin oficial nin extraoficial de Augas de Galicia sobre os prazos e previsións” para o saneamento de Lariño. Vostedes cobran as taxas e contan con fondos estatais, europeos e propios para acometer as obras e ademais, “existe un proxecto redactado no ano 2010, por encomenda de Augas de Galicia, cun orzamento de máis de 900.000 que nunca chegou a ser licitado, sen que por parte da administración autonómica se dese máis información nin explicacións ao respecto”.
“Este proxecto foi paralizado porque cambiou o goberno de Carnota, o 22 de maio de 2011”. Bará aludiu ao oficio enviado por Augas de Galicia o 9 de maio do 2011 cando gobernaba o partido Popular e nel confirmaba a necesidade de acometer o proxecto pero o goberno, reiterou o nacionalista, cambiou e vostedes parlizaron o proxecto. “Típica utilización electoralista dun proxecto da Xunta a poucos días das eleccións”. Se teñen algunha vontade, falen co concello e corrixan os erros que cometeron por razóns políticas e réditos electoralistas, concluíu.
Novas relacionadas
- 04-05-18: O BNG lembra no Parlamento os 10 anos de retraso das obras de saneamento que afectan ao Pindo
- 24-04-18: A Xunta elude responsabilidades no eterno retraso do colector de saneamento de Carnota.
- Abril 18: O BNG tamén leva ao Parlamento o retraso do saneamento no Pindo.
- 05-14-18: Os vertidos enrarecen o clima social do Pindo.
- 24-03-18: O PSdG achegouse ao Pindo para comprobar os problemas do saneamento.
- Marzo 18: A Xunta segue retrasando, mes a mes, a entrega da obra de saneamento do Pindo.
- Decembro 17: O Pindo sae á rúa esixindo unha solución ao saneamento.
- Novembro 19: O Pindo segue pendente do saneamento e da reconstrución dun mallado paseo marítimo.
- Outubro 17: Unha analítica demostra a necesidade de solucionar o saneamento do Pindo.
- Setembro 17: Co cú ao aire fronte a falta de saneamento no Pindo.
- Setembro 17: O Pindo mobilízase contra os cheiros.
Outras novas
- “As toallitas que se tiran polo váter é un dos grandes problemas das depuradoras”.
- Os actores involucrados debatiron sobre o saneamento e contaminación orgánica do mar ante unha gran expectación.
Fonte
- Redacción de QPC ([email protected]).