Amancia Trillo: "A decisión de deixar o goberno tomámola dende Cee e sen ningunha presión externa"
10:56 04/04/11
O PSOE de Cee vén de convocar unha rolda de prensa este luns 4 de abril de 2011 para explicar por que deixa o pacto de goberno nestes momentos, dous meses despois do comezo da Operación Orquesta.
Amancia Trillo, candidata a alcaldía, explicaba que a decisión foi tomada o sábado nunha xuntanza na que estaban presente unicamente os membros da actual candidatura. Candidatura que, por certo, se presentará o vindeiro 17 de abril e que chega moi renovada pois tan só os 4 representantes que formaban na rolda repiten das eleccións pasadas.
