Domingo. 05.07.2020
El tiempo

Anulados os servizos mínimos esixidos pola Xerencia do Hospital

Anulados os servizos mínimos esixidos pola Xerencia do Hospital

Unha das queixas dos sindicatos do Centro Hospitalario ceense viña sendo nas últimas semanas a proposta da Xerencia para os Servizos Mínimos. Unha proposta que a CIG, representando aos traballadoras/es do servizo de limpeza do HVdV, consideraba completamente "abusiva". Así, segundo informan hoxe, a xustiza tamén o considera así pois o xulgado vén de anular a orde de servizos mínimos decretada pola Consellaría para a folga parcial da limpeza no Hospital de Cee. O xulgado do contencioso-administrativo 1 da Coruña considérao "contrario ao exercicio do dereito á folga", segundo informa a CIG.

Segundo o sindicato, "a proposta establecía unha actividade do 100% nas urxencias, do 70% nas áreas de radioloxía, laboratorio de urxencias e hospitalización e do 50% no resto das áreas. Ademais, o decreto estabelecía un operativo de traballo para os festivos e fins de semanas do 100%".

Deste xeito, as traballadoras/es continúan estes mércores co calendario de concentracións semanais en demanda da equiparación do grupo E do Sergas. Un dereito que xa teñen recoñecido a maioría dos traballadores e traballadoras deste servizo no resto dos hospitais galegos. Neste senso, "a representación do persoal lanza un novo chamamento á Xerencia e á dirección de Limpisa Grupo Norte para que abran unha mesa de negociación que permita a resolución deste conflito".

Novas relacionadas

Fonte

  • Nota de prensa da CIG-Cee.

comentarios