Levabamos un tempo sen moita actividade en Salvacadelos. Pero chega o verán e volven aparecer cadelos abandonados polas nosas estradas. Hoxe, buscamos fogar para 2 novos cadeliños.

Teckel tranquilo

Estes días apareciu este teckel tan riquiño, perdido na zona de Ruibo (Cee). É un macho adulto, e parece que pode ser un gran compañeiro.

Chiqui

Este simpático can chámase Chiqui. É un macho que anda sobre dous anos. Ten historia porque foi atopado en Vimianzo tras un atropelo. Desto fai sobre tres meses pero ninguén o reclamou.

Pero Chiqui é especial. Despois de recuperarse das lesións na Clínica déronse conta de que tiña un carácter peculiar, moi medoso e pouco sociable coas persoas. Foi entón cando se comentou o problema con unha clienta e amiga da clínica, que ten tres cans acollidos e un cuarto buscándolle casa e grazas a súa experiencia cos cans e grazas ós seus propios cans, moi acostumados a tratar con todo tipo de animais, en pouco tempo conseguiu que rexurdise un novo can, chamado Chiqui.

Aí estivo Cristina, á que dende a Clínica Veterinaria Argos lle envían unha forte aperta pola súa colaboración. Agora só queda atoparlle unha nova familia a este novo Chiqui, moi simpático e agradable.

Máis información

• Salvacadelos.com.
• Salvacadelos polo Facebook.

Máis cadelos que buscan fogar

• 10-05-11: Novos inquilinos buscan fogar, con urxencia, en Salvacadelos.
• 5 novos cadelos aparecen abandonados e sen chip polas estradas da bisbarra.

Novas relacionadas

• Editorial: Cumple a lei, identifica ao teu can.
• 3 novas familias salvadoras en Salvacadelos.
• Novas de ida e volta en Salvacadelos.
• Rito xa viste de negro coa súa nova familia de Salvacadelos.
• Presentación en socidedade de Salvacadelos.
• As mamás de Salvacadelos.
• Unhas veciñas de Camariñas, as heroínas de Salvacadelos.

Fonte

• Redacción de QPC ([email protected]).
• Clínica Veterinaria Argos de Cee.