Que importantes, ante a pasividade das administracións, estas xornadas de limpeza dos nosos areais. Tralas malas condicións meteorolóxicas que impediron levar a cabo a Xornada Ecolóxica de Lires a pasada fin de semana, este sábado 15 si que puideron saír á praia e facer unha completa xornada de limpeza e concienciación medioambiental. I é que a participación dos cativos nestas actividades son fundamentais para o seu xeito de entender o mundo.

Arrincaron os bravos de Pedras Miúdas ás 11 da mañá, limpando ás beirarrúas que van dende o cemiterio parroquial ata o areal. A xornada rematou ao redor das dúas da tarde cun gran éxito xa que lograron limpar a praia en tempo récord e contaron coa colaboración non só dos socios de Pedras Miúdas senón tamén da Alcaldesa de Cee e da concelleira de Cultura. Ademais moitos bañistas que se achegaron ata Lires para gozar deste fermoso día de sol tamén se apuntaron á xornada ecolóxica.

Novas relacionadas

• O tempo impediu unha completa Limpeza Voluntaria de Praias.
• A Costa móllase polas súas praias.
• 6 Bandeiras Azuis ondearán este verán nas praias da Costa da Morte.
• A veciñanza salva os areais.
• Limpeza Simultánea 2013: Limpando praias e conciencias.
• Plásticos que invanden areais.
• Loitando contra a invasión do plástico.
• Crebas en forma de tartaruga e chapapote en Fisterra.

Fonte

• Redacción de QPC ([email protected]).