"A praia" é unha mostra composta por unha selección de pezas diferentes entre sí pero coa mesma estética Stoupa, a tenda e galería de Cee - comeza forte o seu período de exposicións que, nesta ocasión trae os traballos do muradán Roque Rey. Ata finais de febreiro a tenda acolle unha selección de pezas únicas do artista afincado en Nova York; obras coloristas e orixinais que enchen de vida a tenda de artesanía. Roque Rey (Muros,1964) xa expuxo en galerías neoyorkinas tan importantes como a School of Visual Arts Ceramic Sculpture Show e a BOFFO Show House, e actualmente desenvolve o seu traballo como arquitecto no estudo Robert Couturier. O interese pola arte levouno a participar en proxectos relacionados coa escultura, cerámica, xoiería e serigrafía. As súas obras son un culto crisol de culturas, onde se misturan a memoria de Muros e da Costa da Morte, xunto coa influencia do mundo oriental polas súas frecuentes viaxes a Corea, e a intensidade da vida artística de Nova York. “A praia” é unha mostra de artesanía moi chamativa, e as súas pezas malia ser todas diferentes entre sí, comparten unha mesma estética. Os bañistas característicos de Roque Rey non teñen cabeza, senón que o espectador verá corpos que se adecúan a varios canons de beleza: figuras con pernas largas ou máis cortas e co ton de pel máis claro ou máis escuro. Rey logra así crear personaxes a través da cerámica e da pintura, xogando cos volumes e diferentes perspectivas; personaxes que non deixan indiferente a ninguén. Horario A mostra pode visitarse de luns a sábado de 12 a 14 horas e de 17 a 21 horas na galería ceense, situada na Rúa Campo do Sacramento 23 de Cee.

Novas relacionadas

• Stoupa, o punto de encontro da artesanía e a cultura da Costa da Morte.
• Este Nadal, regala Stoupidos de arte da Costa da Morte.

Creadores da Costa da Morte en Stoupa

• Os barquiños de Mimadriña xa navegan por Stoupa.
• Nando Lestón expón as súas creacións en Stoupa.
• Marcos Rodríguez expón as súas fotografías premiadas en Stoupa
• 12 meses facendo estoupar a arte da Costa da Morte
• Xoanxo Cespón trae a súa visión “Costa da Morte” a súa casa.
• As Redeiras de Corme, artistas en Cee.
• A deseñadora ceense Jesica Coiradas expón a súa colección de roupa en Stoupa.
• A arte de Viki Rivadulla está que Stoupa.
• Stoupa, o novo centro da cultura e artesanía da Costa da Morte
• Un estoupido de cultura para a Costa da Morte.

Fonte

• Redacción de QPC ([email protected]).
• Stoupa