Os pensionistas volven á rúa este domingo 15
15:11 13/04/18
Os xubilados e xubiladas volven a dar un paso adiante na defensa dunhas pensións dignas. Convocados pola CIG, sairán de novo á rúa o próximo domingo, 15 de abril, con concentracións en varias vilas entre as cales está a de Cee. A cita, é as 12 horas diante do Concello e dende alí farán forza para exisir unhas pensións dignas tal e como o fixeron o pasado 15 de marzo.
"A CIG vai desenvolver unha xornada nacional de mobilizacións o domingo 15 de abril, en defensa do sistema público de pensións, pola recuperación dos dereitos roubados e para reivindicar emprego e salarios dignos, como única garantía de termos unhas pensións dignas. Nese día, a central convocará mobilizacións simultáneas nas sete cidades e en múltiples vilas do país co obxectivo de descentralizar as protestas e visibilizar o amplo rexeitamento social ás políticas dos gobernos do PP", sinalan dende o sindicato.
Novas relacionadas
- 15-03-2018: 400 persoas saen á rúa en Cee para esixir a blindaxe do Sistema Público de Pensións
- Marzo 18: A tráxica previsión demográfica para a Galicia do 2031.
- Xaneiro 17: A CIG pon un autobús dende Cee para asistir á manifestación en defensa das pensións.
- Xuño 2016: Análise das pensións na Costa da Morte-Galicia: As pensións de Corcubión son as máis altas da Costa da Morte:
- Novembro 2013: Cee analizou o drama das pensións.
- Outubro 2013: Os emigrantes retornados tamén se manifestan nas rúas de Cee.
Fonte
- Redacción QPC ([email protected])
- CIG