Que ben o pasan cando saen por aí os membros da familia de Aspadex. Poucas persoas son tan agradecidas como eles, nos que as súas caras falan máis alto que mil berros.

O programa de lecer inclusivo deseñado e programado por ASPADEX, grazas á colaboración de Ferroatlántica, obtén excelentes resultados tras un ano en funcionamento. Neste tempo, 80 persoas con discapacidad intelectual puideron realizar diferentes saídas e actividades de tempo libre, co obxectivo de que poidan gozar da forma máis autónoma posible do seu tempo libre.

Neste sentido, o programa pretende proporcionarlles os apoios necesarios para que poidan dispoñer das habilidades necesarias para gozar do seu tempo de lecer, fomentando ao mesmo tempo a inclusión social ou o desenvolvemento do seu autodeterminación a través da libre elección de lecer de calidade que se lles ofrece.

Desde que comezou o programa de lecer inclusivo de ASPADEX, desenvolvéronse diversas actividades que favoreceron a súa integración, autoestima e autonomía: unha saída en tren a Padrón (9 usuarios do Centro de Día); unha saída a Coruña (66 usuarios do Centro Ocupacional), onde visitaron o Aquarium Finisterrae, a Domus ou a Praza de Mª Pita; unha saída ao Parque de Marcelle en Lugo (57 usuarios do Centro Ocupacional); unha convivencia nunha casa rural de Muxía (7 usuarios do Centro de Día), onde fixeron labores de limpeza, comida…; unha saída a Baiona (28 usuarios con certa autonomía), con acampada, saída nocturna, excursión a Portugal e A Garda? e varias saídas semanales de usuarios do Centro de Día, distribuídas ao longo do ano.

Segundo Evaristo Lema, presidente de ASPADEX, “Este balance é moi alentador. Sérvenos para afianzar a idea de que este é o camiño que debemos seguir para que os nosos usuarios sigan reforzando a súa capacidade de interrelación e, aos poucos, sendo máis autónomos”.
Pola súa banda, para Carlos Oliete, director da Zona Noroeste de Ferroatlántica, “saber que podemos aportar o noso gran de area para que os usuarios de ASPADEX gocen dunha mellor calidade de vida, motívanos enormemente para seguir buscando vías de colaboración con esta asociación, coa que xa levamos un longo camiño andado”.

Novas relacionadas

• Aspadex e Aspaber unen formas para unha dar unha formación de máis calidade.
• Aspaber seguirá limpando as rúas de Carballo.
• Aloumiños e Aspaber unen forzas para optar á xestión da atención temprana en Carballo.
• 30 anos con Aspadex.
• Aspadex coñece a fin da terra en cruceiro.

Fonte

• Redacción de QPC ([email protected]).