Unha Excursión co SEMESCOM polas pedras míticas e cruceiros da Costa da Morte

Unha Excursión co SEMESCOM polas pedras míticas e cruceiros da Costa da Morte

09:30 12/07/11

O Seminario de Estudos Comarcais da Costa da Morte continúa achegándonos ao patrimonio da bisbarra. E para iso, organiza unha excursión polas Pedras Míticas da Costa da Morte, no termo norte da bisbarra, Vimianzo, Fisterra e Muxía. Todo dentro do seu programa de visitas guiadas "Coñecendo o noso", que continuará no mes de outubro cunha excursión pola zona sur.

A excursión realizarase o sábado 30 de xullo, con saída de Vimianzo, ás 9:30h. O número de prazas é limitado.

Ruta da Excursión polas pedras míticas e cruceiros da Costa da Morte

9:30h. Saída en autobús desde Vimianzo (Praza do Concello)
10:15h. Visita ao cruceiro gótico (diante do templo de Santa María das Areas).
10:30h. Subida ao monte Facho para visitar a ermida de San Guillerme e, despois, as pedras santas. Desde que deixemos a estrada ata San Guillerme hai 1, 7 km, do que a metade é subida, pero lévase ben. Logo subiremos ata o cume do monte para visitar as pedras santas. A distancia entre San Guillerme e as pedras santaos é de algo máis de quilómetro e medio, do que 300 m son de subida, o resto e chan. Despois baixamos cara ao faro, 1, 5 km. onde nos agarda o autobús.
13:00h. Visita ao cruceiro da Rapadoira. Hai que camiñar 1 km desde San Salvador por unha pista cunha pequena costa, despois o autobús recolleranos en Rial e ata aquí temos que camiñar 800m. de baixada.
14:30h. Saída cara a Bermún, na Pereiriña, para comer.
15:00h Comida.
16:30h. Saída cara a Muxía. Parada no cruceiro de Mintiráns e no de Montesiños, esta acaba de ser adecentada a súa contorna.
17:30h. Chegada a Muxía. Visita ao cruceiro do Cabo da Grixa, da parroquial e do Corpiño. Despois visita ás pedras.
18:30h. Saída cara a Vimianzo.