Aprendendo a descifrar as etiquetas do súper nos Obradoiros para familias do CEIP Praia de Quenxe
11:33 20/04/22
Xa no mes de marzo arrincou o porgrama “Crecer xuntas en tempos fráxiles”, elaborado por María Bella que o Centro de Formación e Recursos da Coruña desenvolve no CEIP Praia de Quenxe pensado para a formación das familias e dos mestres. O primeiro obradoiro afondou sobre a igualdade, e o segundo chegará este vernes 19 de abril de 16:00h a 2000h.
Este está enfocado á alimentación saudable, e servirá para aprender a descifrar o etiquetado da cesta da compra, valorar que alimentación beneficia a nosa actividade e necesidades; haberá tempo para receitas e trucos. Será impartido por Silvia Méndez, nai, bióloga, e experta en alimentación saudable.
Poden inscribirse todas as familias da contorna en [email protected].