Venres. 29.03.2024
El tiempo

Volve o Ronsel para guiar ás Radio Roncudo e radiONeria

Volve o Ronsel para guiar ás Radio Roncudo e radiONeria
Fran Lago con Oscar Rey na Radio NeriaFran Lago con Oscar Rey no estudio da Radio Neria

Un dos mellores programas de radio de actualidade que se fan na Costa da Morte volve ás ondas. O Ronsel está dirixido e presentado por Óscar Rey Calo. A cabalo entre Corme e Fisterra-Corcubión, Óscar volve tras dous anos de parón por motivos persoais. E volve coa intención de dinamizar as radios irmandadas da Costa da Morte, a radiONeria na Radio Roncudo.

O programa serán 60 minutos de áxil información, con entrevistas e cunha serie de colaboradores da emisora que traerán os temas máis afiados da semana. Estarán Óscar de Souto, Fran Lago con entrevistas, Ubaldo Cerqueiro cunrepaso á semana de QPC, e contando co alumnado do IES Maximino Romero de Lema, onde é mestre Óscar, que pasarán pezas como esta que fixeron para a folga feminista.

Como escoitar o Ronsel

O programa emitirase en directo os venres ás 17:00h e os sábado ás 12:00h.

E podedes escoitar o programa a través das emisoras radiONeria (107,8FM nas terras de Fisterra), e Radio Roncudo (106.1FM nas terras de Bergantiños), ou pola rede na plataforma Tunein e nas webs de ambas emisoras:

Ademais, subirán o podcast (de Ivoox de Radio Roncudo) ás redes sociais de ambas emisoras, facendo patente a aposta polo software libre.

Novas relacionadas

Comentarios