Luns. 14.06.2021
El tiempo

A Senda peonil entre Carballo e Coristanco estará lista antes de que finalice o ano

A Conselleira anunciou a Tarxeta Xente Nova que permite á mocidade de menos de 21 anos ir gratis no transporte público
Ethet Vazquez en Carballo
Ethet Vázquez en Carballo con Evencio Ferrero e Juan García
A Senda peonil entre Carballo e Coristanco estará lista antes de que finalice o ano

Nova visita da Conselleira de Infraestrururas Ethel Vázquez a Bergantiños para dar conta da evolución da Senda Peonil que unirá Carballo e Coristanco. Hai apenas 15 días visitaba a zona para anuciar o comezo das obras, e onte volvía para asegurar que a Senda peonil e ciclista estará lista a finais de ano.

Lembramos son 2,5 km de senda, 1,9 km pola marxe esquerda, entre a saída de Carballo e Montecelo, xa en Coristanco, e pola dereita, un tramo de 600 metros ata a fábrica de Calvo.

A Conselleira lembrou que a Xunta non esquece os proxectos de senda do Couto, en Ponteceso (aprobado o pasado novembro), as de Soesto e Serantes, en Laxe, ou a que dará continuidade ata o centro comercial de Coristanco.

Tarxeta Xente Nova

Tamén se referiu á extensión a toda Galicia da tarxeta Xente Nova a partir do 21 de maio, polo que todas as liñas de autobús da Xunta serán gratis para os menores de 21 anos coa utilización deste dispositivo, beneficiando a todos os mozos da Costa da Morte. Destacou que os menores de 21 anos de Carballo xa viaxaban gratis á Coruña e agora poderán facelo en todos os autobuses, incluíndo os que os levan aos distintos municipios da comarca ou cara a Santiago, e o mesmo os mozos de Coristanco.

Novas relacionadas

comentarios