Anajata e 8.000 sinaturas únese á loita contra o Campionato de España de Caza do Raposo
07:37 02/02/18
Un raposo aparecía este luns mutilado nun monte entre Bertamiráns e Negreira
Son numerosas as entidades da Costa da Morte que xa amosaron o seu rexeitamento do Campionato de España de caza do raposo, que se celebra esta fin de semana nun espazo situado entre os concellos de Cerdedo-Cotobade, Campo Lameiro, Forcarei e A Estrada. A última entidade costeira en sumarse é Anajata.
A comprometida entidaed muradá quere manifestar a súa “máis absoluta repulsa pola súa celebración pedíndolle á Xunta de Galicia a anulación do mesmo. De non lograrse, numerosos grupos de ciudadan@s sairemos ao monte para intentar evitar a morte do maior número de animais posible exercendo o noso dereito como ciudadan@s libres de gozar da nosa natureza e fauna, tratando de impedir unha barbarie que avergoña a calquera persoa cun mínimo de sensibilidade.
Non queremos que a nosa terra sexa a sé dunha actividade que só trae desolación e morte.”
Campaña en Change.org
Ao tempo, case 8.000 persoas teñen asinado xa a Campaña en Change.org Que Prohiban el "Campionato de España da caza do raposo" e non o subvencionen.Novas relacionadas
- Numerosas entidades da Costa da Morte súmanse ao rexeitamento do Campionato de España de caza do raposo.
- O Colectivo PX tamén pide acabar coas batidas de raposo ante a gravísima caída da especie.
- Martiño Nercellas: Os campionatos de caza de raposo.
- Fotodenuncia: Así anunciamos o comezo da temporada de caza do raposo?.
- A Caza do raposo… sen escopeta.
- A importancia do raposo para erradicar a enfermidade de Lyme.
- 2017: Rescatan un raposo ferido en Cee.
- Febreiro 2008: Volve o raposo ás Illas Lobeiras.
Fonte
- Redacción de QPC ([email protected]).