Martes. 12.11.2019
El tiempo

A completísima #AxendaCostadaMorte da fin de semana da Barca

A Romaría da Virxe da Barca é a Festa das Festas. E a verdade é que protagoniza boa parte da atención romeira e festexeira da fin de semana neste ecuador do mes de setembro. Pero hai moitas máis cousas como a Barquiña de sempre, a Festa da Pataca de Coristanco, o Festival Xiria Pop, o Carballo Food Trucks e outra marea de actividades.

Domingo de romaria na Virxe da Barca
Domingo de romaria na Virxe da Barca
A completísima #AxendaCostadaMorte da fin de semana da Barca

Parte de Meteogalicia

O venres teremos un tempo seco e soleado, pero con vento forte do nordés, aínda que se manterán as boas temperaturas destes días. O sábado será un día de alternancia con nubes e claros, e o domingo fica a posibilidade de que caia algunha treboada, pero que serán máis probables no interior.

 

A Romaría da Virxe da Barca

Xa coñecedes o programa completo de verbeneo, de venres (Panorama o venres, París de Noia o sábado e Os Satélites o domingo) a luns (día dos lugareños), tendo en conta que o gran día, o da Romaría é o domingo.

 

Festa da Pataca de Coristanco

A XXXIX Festa da Pataca de Coristanco volve con máis forza ca nunca. Degustacións, desfile e concurso de tractores engalanados, exposicións, concertos... Unha fin de semana para disfrutar dun dos produtos estrella da Costa da Morte.

 

Carballo Food Trucks

En clave gastronómica, pero algo máis moderna, podemos facer para no Carballo Food Trucks, unha innovadora proposta coas mellores cociñas itinerantes de Galicia, música e postos de artesanía.

 

A Barquiña de Ponteceso

Deberían chamarlle Barcaza en Ponteceso, porque arman 5 días de troula máxima. De venres a martes non parará a verbena de armar kilombo.

Ademais, as actividades familiares propostas polo MELGA son verdadeiramente interesantes.

 

Festival Xiria Pop

Un nivelazo espectacular para un dos mellores festivais de pequeno formato (dase na Sala Dublín de Carballo) de toda Galicia. Bandas de todo o planeta dan de Carballo a capital do pop-garaxe-punk durante as noites de venres e sábado.

 

Outras festas

- Venres e sábado celébranse as Festas das Dolores de Carnota.

- Venres e sábado tamén hai verbena nas Grandes Festas de Castriz.

- O sábado e o domingo, tamén en Santa Comba, celébranse as Festas da Nosa Señora dos Milagros de Santa Catalina.

- O sábado e o domingo toca en Mazaricos, na Festa das Dolores de Colúns.

Outras citas

- O venres hai cita co Cine de Verán de Fisterra na Praza da Constitución e o sábado hai documental na Casa do Concello.

- A sesión vermú do sábado volve ser en clave cultural, coa inauguración da exposición de Mon Lendoiro en Stoupa, Cee.

- O sábado, a partir das 20:30h, a Braña, en Lires, acolle o concerto de Malasombra Jazz.

- Esta era a fin de semana do Asaghieiras Master Festival, que tivo que ser suspendido, pero algunhas bandas como Almánimal ou Adhara&Ritman non queren desaproveitar de tocar na casa e armaron un concerto no o sábado no Bar Miche de Carnota.

EXPOSICIÓNS

  • Exposición dos maiores de Marcos Rodríguez en Liresca.
  • Faro Vilán acolle a exposición de pintura de Patricia Suárez Arén durante o mes de setembro.
  • A Tenda Turística Stoupa acolle a exposición de Mon Lendoiro ata 0 31 de outubro, de martes a sábado de 12 a 14 h e 17 a 20h.
  • As Torres do Allo, en Zas, de luns a venres dende as 11:00 da mañá ás 20:00 da tarde; e o sábado e domingo amplíase este horario ata as 21:00 horas. A programación habitual:
    - Visitas Guiadas: ás 13h e 17h. Permitirán coñecer o conxunto etnográfico que inaugurou unha tipoloxía edilicia en Galicia.
    - O Xogo de Pistas “Os secretos Ocultos nas Torres: deforma continuada durante o horario de apertura (sen necesidade de reserva previa).
    - Visitas teatralizadas todos os domingos de xullo e agosto ás 19:30.
  • Castelo de Vimianzo. A fortaleza así como a súa mostra de artesanía ao vivo pódese visitar martes a domingo de 10:30 a 14 e de 16 a 19 horas.
  • Conxunto etnográfico do Mosquetín. O conxunto de muíños e batáns do Mosquetín abre as súas portas todos os días da semana dende as 11 horas ata ás 18 horas. Os sábados e os domingos hai visita guiada ás 13 e ás 18 horas.
  • No dolmen de Dombate ofrécense visitas guiadas, en temporada baixa, de venres a domingo de 10:30 a 14:00h e de 16:00 a 18:30. En temporada alta (Semana Santa, e do 1 de xullo a 16 de setembro), visitas guiadas todos os días.

TODA A INFORMACIÓN DEBULLADA NA #AXENDACOSTADAMORTE

Comentarios