Mañá, ás 11 horas, a escola da Natureza de Oza acolle un faladoiro organizado pola Plataforma pola defensa de Monte Neme na que intervirá o activista medioambiental Martin Hutchinson, e o seu can Starsky no seu percorrido por todo o mundo en bici. Durante o encontro, aberto a todos aqueles interesados, falarase sobre as agresións medioambientais e o problema dos residuos, en concreto o lixo e os plásticos que ateigan os mares e praias. Tamén se afondará na particular viaxe deste activista por todo o mundo para concienciar destes problemas. Se o tempo o permite posteriormente farase unha andaina ata o cumio do Monte Neme. A organización recoméndalle aos asistentes levar roupa de abrigo e calzado cómodo para a andaina, o acto é aberto e de balde sen precisar inscripción previa. Para calquer dúbida poden contactar coa plataforma a través do correo electrónico [email protected]. Escola Ambiental de Senda Nova Martin Hutchinson e o seu can Starski estiveron hoxe no Espazo da Natureza que a asociación ambiental Senda Nova ten en Oza Pero este non é o único que manterá o activista durante estes días. Precisamente hoxe, a iso das 11 horas, Martin Hutchinson e o seu inseparable can Starski, chegaron ao Espazo da Natureza de Oza cando os nenos e nenas da escola da asociación Senda Nova comezaran xa a sesión de ecoloxía, precisamente nun avance sobre o persoeiro que Ángela, monitora da Escola, se encargara de expoñerlle. A lección do activista foi total. Dende a exposición sobre os tipos de plásticos e a súa problemática ambiental, sobre todo nas nosas costas, ata a propia forma de activismo internacional coa súa bici e o seu can Starski. Numerosas fotografías dun montón de países facilitaron a exposición de Martin cos rapaces. Un periplo por diversos lugares de Europa e América. Dende cada recuncho busca a sensibilización sobre o lixo e a importancia global dunha problemática en claro avance nos últimos anos, como afirma Hutchinson. Hutchinson mostrouse moi consciente coa realidade galega respecto ao lixo mariño e tamén moi interesado en temas e especies específicas como a Píllara das Dunas, a cal saíu a relucir a través da exposición dos rapaces. Martin mostrouse incluso máis favorable aos programas sobre a sensibilización do lixo mariño en xeral da reciclaxe e o consumo de envases non retornables.     Novas relacionadas

• Xuño 2017: Varias asociacións únense na Plataforma pola defensa de Monte Neme
• Novembro 2016: Pola recuperación do cromlech do Monte Neme.
• Setembro 2016: Uns traballos de rehabilitación garantirán a seguridade da canteira de Monte Neme.
• Novembro 2015: Piden un plan de recuperación da Eira das Meigas do Monte Neme
• 10-02-15: Un ano da desfeita do Monte Neme
• 02-09-14: Os propietarios do Monte Neme alegan contra o Plan de rexeneración presentado.
• 23-04-14: Denuncian que as augas tóxicas do Monte Neme poden causar alzheimer.
• 21-04-14: A Xunta confirma a toxicidade das augas do Monte Neme.
• 11-03-14: Valorados en 140.758€ os danos provocados pola rotura da balsa do monte Neme.
• 24-02-14: Asociacións e oposición alzan a voz contra a mina do Monte Neme e o comparan con Corcoesto.
• 13-02-14: Tragsa empezará a traballar de inmediato no Monte Neme.
• 12-02-14: A Xunta considera controlada a situación no Monte Neme.
• 11-02-14: A Costa da Morte sofre un pequeno Aznalcóllar.

Fonte

• Redacción QPC ([email protected])
• Plataforma pola defensa de Monte Neme