"O PSOE fai unha boa declaración de intencións a 6 meses vista pero en 15 días algún pode estar xa na rúa"
Esto pasado venres o Comité de Empresa de Ferroatlántica recibía a visita dunha comitiva do PSdG. O portavoz de Industria do PSOE no Senado e candidato socialista á alcaldía de Ferrol, Ángel Mato, xunto a Margarita Lamela, portavoz socialista no Concello de Cee, e Manuel Insua, coordinador comarcal do PSdeG e alcalde de Corcubión, e a parlamentaria laxeira Loli Toja, quixeron interesarse de primeira man polo problema e comprometéronse a trasladarlle as súas demandas e inquedanzas ao Goberno de Pedro Sánchez.
O ERE temporal segue facendo sombra sobre os traballadores de Cee e Dumbría, que teñen os ollos no que pasa en Alcoa, e por iso van estar este domingo na manifestación convocada por UGT, CCOO e CIG baixo o lema “Por unha solución electrointensiva”. Do peirao de Brens sairá un autobús ás 10:00h dende o peirao de Brens, e seguro que moita xente aproveita para ir pola súa conta e aproveitar o domingo da apertura dos comercios herculinos.
En todo caso, durange a reunión Mato asegurou que mediará no Ministerio de Industria sobre a posible tarifa eléctrica galega, e informou do Real Decreto e da creación do Estatuto de Consumidor Electrointensivono no que está traballando o goberno central dende o pasado mes de decembro. “É unha declaración de intencións, pero estamos falando a 6 meses vista, e isto require máis rapidez, porque de aquí a 15 días os compañeiros de Alcoa igual xa están na rúa”, sinala un escéptico pero respectuoso Alfonso Mouzo, representante da CIG no Comité de Empresa de Ferroglobe Cee-Dumbría-HHCC.
Os membros do Comité na reunión na Casa da Cultura de Cee- Foto-Rafa QuintánsTras a reunión co comité de Empresa, Mato, Lamela e Insua mantiveron unha reunión cos alcaldes socialistas da comarca, na que estudiaron a posta en marcha de iniciativas nos concellos, Parlamento de Galicia e Congreso dos Deputados para pelexar pola viabilidade da fábrica, fundamental para moitas familias da comarca.
Novas relacionadas
O BNG leva a pleno o peche dos fornos de Ferroatlántica “O BNG leva a pleno o peche dos fornos de Ferroatlántica” — Que pasa na costaMáis novas do conflito #Ferroatlántica
- Xaneiro 19: En Marea critica o peche dos fornos dunha eternamente subvencionada Ferroatlántica.
- Xaneiro 19: “Fornos apagados, todos parados”.
- Xaneiro 19: A parálise de dous fornos e a retirada de materias primas, avisos previos do ERE de Ferroatlántica.
- Decembro 18: A CIG salta ante o posible ERE temporal nas fábricas de Ferroatlántica.
- Decembro 18: Ferroatlántica despide un traballador que foi delegado sindical da CIG por un comentario nunha rede social.
- Outubro 18: A CIG reclama a anulación da votación na que se aprobou o Acordo Marco en Ferroatlántica.
- Xuño 18: O Comité de Ferroatlántica non saiu con boas sensacións da reunión coa Dirección.
- Maio 18: O Comité queima o Acordo Marco de Ferroatlántica.
- Decembro 17: Os traballadores de Ferroatlántica volven concentrarse contra o chamado “Acordo Marco”.
- Decembro 17: Augas de Galicia confirma que as centrais e a fábrica de Brens son inseparables.
- Novembro 17: “A gran mentira” do Plan Industrial de Ferroatlántica:
- 16-05-17: Preocupación no Comité de Ferroatlántica trala falta de compromiso do Conselleiro de Industria.
- 16-02-17: O Parlamento galego esixe por unanimidade que non se autorice a venda de Ferroatlántica
- 03-11-16: A Xunta descarta un ERE en Ferroatlántica
- 11-10-16: O Comité de Ferroatlántica esixe a non segregación das actividades produtivas