Xa limos ás esixencias de ATRIFOGA, e desta volta tócalle á outra Asociación Profesional de Axentes Forestais e Medioambientais de Galicia (APRAFOGA), que xunto cas organizacións sindicais con representación neste colectivo (CIG, CCOO, CSI-F e UXT) quere denunciar “a actitude da Xunta, que non pagou aínda os traballos da vaga de incendios do pasado outubro e non retoma as negociacións laborais que prometera rematar o pasado decembro”.

A entidade lembra que os profesionais estiveron en primeira liña na vaga de lumes que sufriu Galicia no mes de outubro de 2017, peo que “a día de hoxe seguen sen percibir un céntimo polo seu traballo, case cinco meses despois”.

Lamentan os investimenos en “anuncios propagandísticos, como quedou patente recentemente nunha entrevista televisiva en laSexta co Presidente da Xunta, e para pagar empresas externas para que fagan o traballo que nos corresponde ao persoal funcionario”.

Novo convenio

Os axentes forestais e medioambientais consideran que “despois de levar máis de dez anos cun acordo de condicións de traballo caducado e totalmente obsoleto é hora de que a Xunta pague o que debe e se sente a negociar cara o futuro”.

A APRAFOGA xa pediu a renovación dunha orde de horarios que reducira o exceso horario que estes traballadores están sendo obrigados a sufrir. Pero a Xunta paralizou as negociacións dende o pasado mes de decembro, ante as queixas dos colectivos profesionais.

Lembran que a día de hoxe “hai que ter en conta que o efecto do cambio climático está a producir unha desestacionalización dos lumes, producíndose en calquera época do ano e sendo moito máis virulentos e perigosos, tal como se puido comprobar o pasado outubro, cando tras ter rematado o período extraordinario tiveron que activar unha época de alto risco de xeito improvisado”.

Artigos sobre os incendios

• ATRIFOGA esixe a ampliación do persoal antiincendios ante a falta de compromiso da Xunta.
• ATRIFOGA volve denunciar o desmantelamento do Servizo Público contra Incendios co novo despedimento de 25 traballador@s na bisbarra.
• Onde está a orixe da vaga de incendios?.
• Desprofesionalizando o Servizo contra incendios dende o primeiro eslabón da extinción.
• A Deputación da Coruña implantará a Xestión Directa dos Parques de Bombeiros.
• Por que os lumes queiman agora máis hectáreas ca nos noventa?.

Novas relacionadas

• Corcubión salvou ás aldeas gracias a outra xestión do bosque.
• A #ILPdoBosque recibe o apoio aos alcaldes de Bergantiños.
• A #ILPdoBosque recibe o apoio aos alcaldes de Bergantiños.
• 60 organizacións de toda Galicia lanza unha ILP contra a invansión dos eucaliptos.
• Corcubión declárase como “Concello libre de eucaliptos”.
• Francisco Santiago López: “A inundación de eucaliptos en Galicia é un verdadeiro un desastre medioambiental”.
• Unha Boca de Sapo para que Corcubión se declare “Libre de Eucaliptos”.
• A futura carballeira de Laxe.
• “Se prantamos, ao planeta axudamos”.

Fonte

• Redacción de QPC ([email protected]).