O Presidente da Deputación non quixo faltar á Festa do Percebe do Roncudo 2016

Ao longo da mañá as ruelas cormelás ían sendo invadidas por grupos de camisolas da mesma cor, formando cuadrillas. Si, un ano máis, e xa van 24, tiña lugar a esperadísima Festa do Percebe do Roncudo. Xentes de toda comarca de Bergantiños non faltaron a unha cita que segue a ser unha das nosas festas gastronómicas máis internacionais, pois o percebe do Roncudo segue a ser o rei do marisco galego.

Desta volta repartíronse 600 kilos de percebes, algo menos que nos últimos anos, a 17€ a ración. Pero a xente quedou igual de encantada. Tanto os que viñeron pola gastronomía, como os que o fixeron pola troula.

A cociña da Festa do Percebe do Roncudo 2016 Chema Gagino pregoeiro na Festa do Percebe de Corme 2016

Con emoción e sentimento arrincou a Festa, co pregón dun cormelán de arriba abaixo como Chema Gagino. Este home adicado ao mellor audiovisual de Galicia (actor, director, guionista…) confesou algunha que outra historia inconfesable nos seus anos mozos de Festa do Percebe.

Non quixeron perder a ocasión os políticos de turno. Estivo o presidente da Deputación da Coruña, Valentín González Formoso, acompañado en todo momento polo alcalde de Ponteceso, Lois García Carballido. Por outro lado, a conselleira de Infraestruturas e Vivenda, Ethel Vázquez, estivo escoltada por unha completa relación de membros do PP, como o deputado laxense Ambrosio Oróns.

Comitiva do PP na Festa do Roncudo de Corme 2016

A Festa cormelá de Euskadi

Festa do Percebe do Roncundo de Sestao 2016

E mentres, a 600 km de distancia, en Euskadi, celebrábase a Festa do Percebe do Roncudo de Sestao. 80 kilos de percebe repartíronse nesta festa de exaltación da gastronomía galega, servindo de fantástica promoción da nosa zona.

 

Galerías das Festas do Percebe do Roncudo

• Festa de Percebe do Roncudo 2015: O percebe e a troula triunfaron a partes iguais na Festa do Percebe do Roncudo.
• Festa de Percebe do Roncudo 2014: O percebe, en imaxes.
• Festa de Percebe do Roncudo 2013: Moito máis que un sábado de percebes e rockandroll.
• Festa de Percebe do Roncudo 2012: 20 anos de percebes e festa en Corme.
• Festa de Percebe do Roncudo 2011: Corme esgotou cos 1.000 quilos de percebes do Roncudo.
• Festa de Percebe do Roncudo 2010: A Festa do Percebe non nota a crise.
• Festa do Percebe do Roncudo 2009: 6.000 persoas disfrutaron do mellor Percebe do Roncudo.
• Festa do Percebe do Roncudo 2008: A Festa do Percebe do Roncudo volveu ser un referente en todo o país.

Novas relacionadas  

• Entrevista a Alfredo Varela: “O percebe segue resistindo, a pesar de que as capturas baixaron tralo Prestige nun 80%”.
• Entrevista a Paula Pombo: “A forza coa que rompe o mar no Roncudo fai que o noso percebe sexa o rei”.
• Unha tarde cos percebeiros de Laxe.
• Percebeir@s a ritmo do mar.
• Unha homenaxe, en vídeo, á figura de percebeiro.
• Unha nova documental pechará a triloxía sobre o mar de Laxe.

Fonte

• Redacción de QPC ([email protected]).