Xoves. 28.03.2024
El tiempo

Unha comida solidaria con Estrella Michelín en Santa Comba

Unha comida solidaria con Estrella Michelín en Santa Comba
Equipo do Restaurante Retiro da Costiña, de Santa Comba Equipo do Restaurante Retiro da Costiña, de Santa Comba

Moi interesante o proxecto "Experiencias Solidarias" que organiza de forma habitual o cociñeiro Manuel Costiña para contribuír ao desenvolvemento de proxectos solidarios en apoio de diversos colectivos. O responsable do Restaurante Retiro da Costiña, o restaurante xalleiro con Estrella Michelín, prepara un xantar solidario para axudar á AECC Santiago na loita concra o cancro.

A cita será o vindeiro 1 de decembro, e cunha achega de 100 euros (todo o recadado será para a causa) poderase gozar dunha experiencia gastronómica neste coñecido restaurante e participar nunha poxa de pezas asinadas polos prestixiosos cocineros Martín Berasategui, Paco Roncero, Pedro Subijana, Arzak, Jordi Cruz e os irmáns Roca, todos con estrela Michelín.

No xantar estarán personalidades como o humorista Roberto Vilar, ou Javi Mos. O ágape consistirá nun menú degustación completo para 40 persoas, que inclúe 9 salados, pre-sobremesa e dous doces. Cada cuberto ten un custo de 100 euros. Tamén haberá un Donativo Cuberto Cero para todos os que queiran colaborar coa iniciativa e non poidan asistir á comida, con achega libre.

Data límite para realizar achegas

As persoas que realicen un donativo deberán deixar o seu nome e apelidos e DNI ao efectuar o ingreso a fin de poder participar no sorteo de pezas e posteriormente chamar a AECC ao telf.: 981 576 479 para que apunten os seus datos.
Os donativos poderán realizarse ata o venres 27 de novembro, día en que termina o prazo para realizar achegas.

Nesta iniciativa solidaria de Retiro da Costiña a favor de AECC tamén colaboran a firma Mariana de Bertamiráns, responsable do deseño das camisetas, Rogelio Rial Romaris, propietario de Casa Barqueiro en Negreira, quen fixo as xestións necesarias para conseguir as pezas asinadas dos 8 cocineros, e os proveedores de moitos produtos cos que se vai a elaborar o menú solidario que se servirá o próximo 1 de decembro en Retiro da Costiña, tamén posuidor dunha estrela Michelín e dous soles Repsol.

Fonte

Comentarios