7 atletas da zona competiron a gran nivel nos Campionatos Galegos de Pista
08:01 12/06/18
Pablo Costa Carabel do Cole de Dumbria 3º en 500m nos Campionatos Galegos
Antia Lagoa do Olimpia
O pasado sábado 9 de xuño tivo lugar no Centro de Tecnificación Deportiva en Pontevedra o Campionato Galego de Atletismo en Pista. E alí estiveron de novo varios deportistas costeiros, aguantando os chaparróns que caeron ao longo do día.
Houbo dous participantes do CEIP Santa Eulalia de Dumbría, na categoría alevín masculino. Pablo Costa Carabel acadou nada menos que o 3º posto na proba de 500 metros lisos. Ademais, Martín Castiñeira Sánchez, foi 17º na proba de lanzamento de pelota.
Da familia ceesa do Olimpia, estiveron Helia Lema, que alcanzou a 4ª posición en 1000m infantil facendo ademais a mellor marca persoal; Antía Lagoa, 6ª en 2000m infantil, superándose tamén a si mesma; Lúa Cambeiro, 9ª en peso infantil; e Samuel, outro alumno do cole de Dumbría, que participou en pelota Alevín.
Non faltou a representante das Escolas de Vimianzo e do Terra de Soneira, María Más quedou 4ª en peso alevín, despois de pelexar ata o final por unha medalla. Quedou as portas da mesma, pero seguro que gañou moito máis do que pensa con ese valioso cuarto posto.
María Más de Vimianzo foi 4 en peso nos Galegos
