Sábado, 18:00h, no Pavillón Vila de Noia (Zona Escolar) de Carballo. Esta é unha das citas máis importantes do ano. Máis de 600 persoas vibrarán co equipo carballés para seguir pelexando polo campionato de liga da 1ª División Estatal e polo ascenso á División de Prata. Quedan 4 finais, e a primeira, na casa ante o S.A.R. de Redondela. Nestes intres o Calvo Xiria lidera a táboa clasificatoria con un punto de vantaxe sobre o Chapela, tres sobre o Novás e catro sobre o Lalín.

Xa levamos comprobando todo o que move o balonmán en Carballo e non é de estranar sabedno que todos os rapaces deste equipo, agás un natural de Lalín, son de Carballo (saídos da canteira verdibranca).

Con este bravo plantel, e o apoio da entregada marea verde, poden acadar un fito histórico: o primeiro título ligueiro desta categoría para a historia do club, a terceira categoría do balonmán español tras Asobal e División de Prata.

Iso si, non poden perder nin un dos 4 partidos que restan, e dous dependen do apoio da afección.

Como nos partidos anteriores, se non es socio e vas acompañado por un socio só terás que abonar 1 € pola entrada. Ademáis sortearán 1 cea para dúas persoas por cortesía da Cervecería Bombonera entre tod@s aqueles que cheguedes ao pavillón antes do asubío inicial. Tamén sortearán (con rifas a 1 €) unha camiseta oficial da S.D. Teucro, equipo da Liga Asobal SD Teucro, concretamente a camiseta co seu nome e número dun dos grandes cracks do balonmán galego, o carballés Carlos García, na actualidade sexto mellor goleador da Liga Asobal.

Máis información

• 1ª Estatal.
• Resultados e Clasificación 1ª Autonómica Masculina.

Novas relacionadas

• Na carreira pola Liga.
• Liderado entre masas.
• Balonmán: Doble e dolorosa derrota.
• Mandando en solitario.
• O Calvo vence no xeo.
• O Xiria vence a ritmo da Batucada mentres o Camariñas perde opcións de loitar polo título.
• Quecendo para as primeiras finais.
• Cas opcións intactas.
• O Calvo Xiria mantense implacable.
• Balonmán: A primeira volta remata con podios.
• Balonmán: Xiria e Camariñas rematan o ano moi, moi arriba.
• Pleno de vitorias para o balonmán costeiro.
• Balonmán: 8 de 8 e unha polo cerco.
• Balonmán: O Calvo Xiria segue invicto.
• Líderes.
• Balonmán: Camariñas e Xiria seguen sumando vitorias.
• O Balonmán arrinca con vitorias en Camariñas e Carballo.
• Camariñas queda sen equipo feminino de balonmán esta tempada.
• O Bm. Camariñas renuncia ao ascenso para centrarse na base.

Fonte

• Bm. Camariñas e Calvo Xiria.