Queda aberto ata o vindeiro 28 de xuño o prazo de inscrición para a 2ª travesía a nado Camariñas-Muxía que terá lugar o vindeiro 1 de xullo. Os interesados e interesadas en participar poden formalizar a súa inscrición a través da plataforma championchipnorte.com. Debido ao éxito de participación do ano pasado, nesta segunda edición ampliouse o número de prazas ata 140 nadadores e nadadoras nados/as no ano 2001 e anteriores. Neste evento deportivo, organizado polos concellos de Camariñas e Muxía, colaboran Conservas Boya, Federación Galega de Natación, club naútico de Camariñas, Cataventos escola de vela e a EDM Piragüismo Dumbría; e todo o recadado irá destinado a ONG AIRES a favor dos refuxiados e refuxiadas. Novas relacionadas

• Abren o prazo de inscrición para a Travesía a nado das Sisargas

Fonte

• Redacción QPC ([email protected])
• Concello de Muxía