Primeira fin de semana de xuño e o fútbol non para. Non para e xa pensa no ano que vén pois onte coñeciamos unha nova incorporación aos bancos da Costa, pois Chema Eirís, que vén de deixar o Cabana, será o novo adestrador do San Lorenzo.

Aínda queda un mes de competición, pero esta fin de semana coñeceremos os semifinalistas de Copa e mais o Campión da Copa de Veteranos.
I é que Atl. Milagrosa terá moito que remar para vencer a un Bergantiños que quere repetir o doblete do ano pasado.

Xa na Copa da Costa, coñeceremos os semifinalistas. Só o Xallas ten pé e medio nelas, e agarda ver se o Cee mantén a vantaxe que obtivo en Castriz. Polo outro lado do cadro, o Camariñas terá que remontar o 3.1 do Nantón, mentres que na suposta final adiantada, Dumbría e Soneira enfrontaranse no Conco nun duelo fraticida.

Estaremos atentos ademais ás Fases de Ascenso ás Ligas Galegas. En xuvenís, o Santa Comba está a un paso de convertirse en equipo da liga autonómica, e terá que superar na eliminatoria a dobre partido ao San Ciprián, logo de ser moi superior ao Ánimas. O Corme quedou no camiño e xa está de vacacións dunha das súas mellores temporadas cun doble histórico.
En cadetes, Dumbría e Cabana terán que gañar a Peleteiro e Negreira, para poder loitar, entre ambos, por unha praza na Liga Galega Cadete o vindeiro ano.

Ademais, en Laxe terá lugar este domingo ás 17:00h un partido benéfico entre as nais do CPI Cabo da Area e os alumnos.

Copa da Costa, volta dos cuartos

Copa da Costa de Veteranos, Final

Fase de Ascenso á Liga Galega Xuvenil

Fase de Ascenso á Liga Galega Cadete

Volei praia no Ézaro

A praia do Ézaro no Concello de Dumbría acollerá este verán distintas probas do Campionato Galego de Volei Praia. Esta fin de semana terá lugar a 1ª Proba do Campionato Galego de Volei Praia no Ézaro, separadas por categorías:

• Sábado 4 de xuño: categorías sub 15 e sub 19.
• Domingo 5 de xuño: categorías sub 17 e sub 21.

Regata O Mar na Escola

Este sábado ás 16:00h terá lugar nas aaugas da ría de Corcubión a III Competición en idade escolar, que organiza o Clube Marítimo Carrumeiro no marco do programa O Mar na Escola.

I Concentración de Kaiak de Mar Concello de Malpica

O Club Náutico de Malpica organiza a I Concentración de Kaiak de Mar Concello de Malpica. A concentración terá lugar este sábado 4 de xuño a partir das 16.00h con saída desde a Praia Maior de Malpica cara as Illas Sisargas, desembarco e parada para coñecer a illa e volta ao porto de Malpica.

Máis información

• Resultados e clasificacións 2010/2011.
• Copa da Costa: www.copadacosta.com.
• QPC MOTOR: quepasanacosta.gal/motor.
• www.facebook.com/quepasanacosta.
• Tuenti de Quepasanacosta.

Novas relacionadas

• Horarios e sancionados de cara á fin de semana.
• Os clubes da Costa rexeitan o Plan de Competición da Federación e queren manter as 2ª e 3ª Autonómicas.
• Renovación nos clubes da Costa que hoxe teñen reunión en Baio.
• Crónicas da Ida Cuartos da Copa: Só o Xallas sentencia o pase a semifinais.
• Resultados das Copas e das Fases de Ascenso.
• A nova S.D. Fisterra vai tomando forma.
• Movementos no fútbol muradán.

Máis novas

• A nova SD Fisterra organiza unhas xornadas deportivas en xuño.
• Triple cita cos maratóns na Costa en Mazaricos, Baño e Esteiro.
• Carballo terá doble cita co F7 e co atletismo.
• Campionato de F7 en Carnota.
• Manuel Caamaño é o novo enlace do Fútbol da Costa na Federación.
• Embargo á SD Esteirana mentres García Liñares toma o relevo na Federación co apoio costeiro.

Fonte

• Redacción de Deportes de QPC ([email protected]).