Fin de semana completa de deporte na Costa da Morte, con moito fútbol pero tamén balonmán, baloncesto, fútbol sala e mesmo xadrez.
E non sen antes recordar o parte de sancións e protesta pública pola situación das ambulancias, repasamos a Previa da xornada no #futboldacosta. Unha xornada, a antepenúltima para o groso da competición ligueira, que será doble, pois se varios equipos xogarán dous partidos na fin de semana por mor da Copa, o festivo do martes 1 de maio hai xornada completa dos Dezaseisavos da Copa da Costa 2012.

Comezamos o repaso pola Preferente, que ten o sábado un partidazo entre Dumbría e Xallas, dous equipos que aínda teñen que certificar a súa permanencia. Ademais, o Santa Comba poderá botarlles unha man vencendo ao Santiago, e o Soneira pode escalar se vence ao Chantada.
En 1ª, o Ponteceso tamén necesita sumar pero recibirá a todo un Noia, 4º na táboa; mentres que o Cee terá que seguir coa súa penitencia en padrón.

A Liga da Costa comeza cun vital Nantón-Sofán, que pode ser o último vagón da permanencia para os cabaneses. O seu máximo rival por evitar o descenso, o Zas, recibe a un Fisterra en forma, que busca volver á 3ª praza. Nesa loita, o Corme visitará o Pino do Val e o ao Malpica tócalle o sempre complicado Miraflores. Máis arriba, o Club do Mar poderá cantar defintivamente o alirón se gaña, ou se consegue o mesmo resultado que o Camaruñas, que terá que visitar o campo de San Pedro de Castriz.

A 3ª, terá un tremendo Montelouro-Coristanco, co pase á Liguilla de ascenso en xogo, cos loureáns 7º, a 3 dos coristanqueses. Ademais, o Cerqueda terá que superar a un Laxe que de vencer aínda ten posibilidades. Esperará resultados o Volantes, que ten xornada de descanso, que aproveitará para rendirlle unha homenaxe á súa envexable afección cunha festa a golpe de sábado .

A falta de 2 xornadas, ademais desta, tamén para que remate a Liguilla Previa á Fase de Ascenso á Liga Galega Xuvenil, 4 equipos seguen buscando as dúas primeiras prazas. Desta volta non haberá enfrontamentos directos entre eles.
E ollo ca volta dos cuartos da Copa.

E tamén remata a Liga de Veteranos, xa con todo decidido. Pero ollo que xa pensan na Copa. De feito, o sorteo da COpa da Costa de Veteranos será o principal punto da orde do día na Asemblea de Socios que celebrarán hoxe venres 27 de abril ás 21:30h no Salón de Actos do Local da 3ª Idade de Neaño (fronte a Bar Paris), en Cabana.

Preferente, xornada 34

1ª Autonómica, xornada 32

2ª Autonómica, xornada 32

2ª Autonómica, xornada 36

Copa da Costa, volta da previa

Liguilla Previa á Fase de Ascenso á Liga Galega Xuvenil, xornada 12

Copa da Costa Xuvenil, Volta dos Cuartos

2ª Cadete, xornada 32

2ª Infantil, xornada 32

Ligas de Veteranos, xornada 30 (horarios por confirmar)

1ª División

2ª División

Campionato estatal de balonmán

Esta fin de semana (27, 28 e 29 de abril) Carballo será unha festa do deportes. Cunha xuntanza de PequeBasquet e co espectacular sector do Campionato de España en categoría Xuvenil, en Carballo, cos 4 mellores equipos do noroeste español, entre os que está, por suposto, o Ifecgas Pereira, cadro xuvenil do Xiria.

A Esteirana Cadete segue polo ascenso

O cadro cadete da Esteirana-Perruquería Koletas xoga este domingo 29 a ida da Semifinal do Campionato Provincial Cadete, ás 12:00h no Pavillón X. Lago ante o Ex Alcohólicos da Coruña.

Festa deportiva en Aspadex

O sábado 28 de abril a Asociación ASPADEX, de Cee, organiza unha xornada de atletismo para a que solicitamos a máxima difusión no seu medio de comunicación.Informámoslles de que o vindeiro sábado, día 28 de abril, a Asociación ASPADEX de Cée, organizará a II Xornada da Liga Provincial Interclubes para persoas con discapacidade intelectual da Coruña, na modalidade de Atletismo.
A actividade desenvolverase no estadio municipal “San Paio de Refoxo” de Cée, dende as 10:30h ata as 14:00h, e conta coa colaboración da Concellería de Cultura e Deportes de Cee e Begano-Cocacola.

Xadrez no Touriñán

Hoxe remata o prazo para inscribirse no 1º Torneo Concello de Muxía, que organiza o Clube de Xadrez Cabo Touriñán. E de momento xan van uns 150 participantes. Entre eles se atopan varios campións e subcampións galegos que representarán a Galicia no campionato de España e un xogador do Club Alfil de Gijón que representará a Asturias.

Máis información

• www.futboldacosta.com.
• Cadros da Copa da Costa 2012 de maiores e xuvenís.

Crónicas da semana

• Parte de sancións cun ollo no custe das arbitraxes.
• Fases Xuvenís: O Malpica escapa na Liga e Mazaricos e Ponteceso sentencian o pase na Copa.
• 3ª Autonómica: O Carnota non cede e o Volantes dá un paso adiante.
• 2ª Autonómica e Copa da Costa: Unha xornada con polémica sanitaria.
• Preferente: Sorte dispar.
• 1ª Autonómica: Desexando que remate.
• Resultados da fin de semana no #futboldacosta.

Máis novas

• Xogando aos médicos co #fútboldacosta.
• QPC MOTOR: Ralli de Noia: As Carreiras son así.
• Un Mar de Paixón: Un proxecto…, xa traxecto.
• Alberto Pose: Unha por toda a familia futboleira da Serra de Outes.
• A Federación decide os ascensos e a Asociación de Clubes dá novos pasos.

Fonte

• Redacción de Deportes de QPC ([email protected]).