Corcubión organizará este ano a Liga de FS de Cee

Corcubión organizará este ano a Liga de FS de Cee

13:25 03/10/16

Na Liga de Futbol Sala de Cee xogan sempre ducias de xogadores coñecidos do Fútbol da Costa como Fran Pioto ou Diego Cespón

Despois de 29 anos, a Liga de Fútbol Sala de Cee, unha das máis intensas da bisbarra, terá que trasladarse a Corcubión. Así o recoñecían os membros da Asociación San Cristobal, que colleron o relevo nestes últimos anos da man de Juan, que estivo máis de 25 anos á fronte desta xa mítica competición costeira.

Agora, a Escola de Fútbol e o Concello de Corcubión, con Carlos Pazos á cabeza, toman o relevo, e invitan a todos os equipos que levan participando na liga ceense, que se apunten para seguir mantendo o pulso.

Así, xa está aberto o prazo oficial para participar na nova liga de fútbol sala sénior de Corcubión. A organización facilita o teléfono móbil 661 348 339 ou o fixo 981745400 para inscribirse e a cota por equipo é de 250 euros. O máximo de equipo seran 16 e serán por orde de inscripción.

O prazo de inscripción finaliza o martes 11 de outubro, cando se celebrará unha reunión, un encontro de delegados e organización para planificar a tempada, mirar as datas e os días de celebración dos encontros, así como deseñar o calendario, unha vez que se saiba o número de conxuntos que van competir.
Tras esta reunión ese mesmo mes será cando se inicien os partidos, que se disputarán de luns a xoves, a partir das 20.30 horas no pabillón de Corcubión.