O Baíñas gañou ao Zas na estrea de Corredoira e deixa ao Ponteceso no liderado-Foto-Alejandro Mel Este martes de Fútbol da Costa (tendes todos os resultados en www.futboldacosta.com e aquí o cadro da Copa da Costa 2016) déixanos un equipo vitorioso, case sen xogar: O Ponteceso.

A #LigadaCosta

O equipo pontecesán queda de líder en solitario da Liga da Costa trala derrota do Zas ante o Baíñas, no último partido da xornada 14. Foi un choque moi emotivo, no que se estreaba Corredoira no banco verde, ante a que foi a súa casa durante moito tempo. O equipo vimiancés adiantouse ao comezo da segunda metade cun tanto de Mario Casal, na ocasión menos clara do partido e coa axuda dun defensa, pois houbo varias ocasións nas que se cantou o gol. Como unha do Zas na que non chegaron a rematar en boca de gol, e os puntos quedaron en Vimianzo, para un Baíñas que ademais, gañou aos puntos, pois marcou e soubo defener con moito oficio a súa vantaxe. A #MarcaCorredoira xa se nota en Baíñas.

Estreouse a #CopadaCosta

Arrincou a Copa da Costa 2016 e o fixo sen sorpresas. O Soneira batiu ao Coristanco cos goles de Vía Rápida (2), Basti (2), Richi, Óscar e Cristian Figueroa. Mentres o Outes dou conta do Camelle, equipos que coincidían na campaña 2011-2012 na 3ª, pero sobre os que os anos pasaron de xeito diferente. O equipo de Manu Roque estivo moi serio e concentrado e gañaron por un claro 0-4 con 2 goles de David, un de Piki e un de Veleiro.

O Ponteceso, campión da Liga Norte Xuvenil

[fbvideo link="https://www.facebook.com/FutboldaCosta/videos/876384965813495/" width="660" height="500" onlyvideo="1"] Así celebraba o equipo pontecesán o alirón da Liga Xuvenil Norte, cando faltan 3 xornadas para o remate da primeira fase. Os de Fernando vencían apuradamente en Arliña e suma 11 puntos máis que un Cabana que non pasaba do empaye en Camariñas. O cadro cabanés ten un pé na fase de campións, e o Baio colícase, tras vencer ao Zas, como aspirante a esa 3ª pero o Coristanco está moi preto, pois tamén vencía ao Porteño. O Baio gañou ao Zas e achégase á Liguilla de Campións-Foto-Alejandro Mel Polo Sur, o Xallas xa ten o pase á Liguilla de campións asegurado dende hai tempo pero aínda terá que esperar para celebrar o alirón. Por detrás, o Cee vén con moita forza, e xa asegurou a súa praza na Liguilla de campións tamén tras vencer no derbi ao Fisterra. Parece que o Montelouro ten un pé nesa Liguilla, pois saca 7 puntos ao Outes, pero cun partido máis. O Montelouro puido co Corcubión e mete un pé na Liguilla de campións- Foto-Xose Sendon

Malas Ligas Galegas

Non foi bo martes para os equipos dumbrieses das Ligas Autonómicas. O equipo xuvenil, que viña de gañar ao líder, foise do partido tras varias decisións arbitrais polémicas, e caía 4-0 en Boiro, un dos rivais directos que tamén gañaban, provocando que os de Leis e Lobelos acaben a semana na 5ª praza, pero aínda a 3 do liderado. Mentres, os cadetes caían en Vigo ante o Coruxo e seguen complicándose a salvación.  

Copa da Costa, Previa

 

2ª Autonómica, xornada 14

Baíñas

1-0

Zas

 

Liga Galega Xuvenil, xornada 14

Boiro

08/12 - 18:30

Dumbría

División de Honra Cadete, xornada 14

O Grove

3-1

Dumbría

 

Liga Xuvenil Sur, xornada 15

Outes	1-1	Esteirana
Fisterra	1-4	Cee
Montelouro	6-1	Corcubión
Os Miúdos	3-0	Castriz

Liga Xuvenil Norte, xornada 15

Baio	4-0	Zas
Muxía	0-1	Ponteceso
Coristanco	5-3	Porteño
Camariñas	0-0	Cabana

 

Liga Alevín F8, xornada 11

Lira A	5-2	Xallas B
As Baleas	4-6	Dumbría B
Sofán Afición	1-2	Outes A
Dumbría A	3-0*	Os Miúdos B
Os Miúdos A	1-2	Xallas A
Cee A	4-3	Fisterra
Lira B	0-10	Esteirana A
Sp. Zas	1-4	Sofán Respeto

• O Dumbría-Os Miúdos B estaba para o luns 7 e o cadro muradán non se preentou.

Liga Benxamín F8, xornada 11

Sofán	0-5	Outes
Dumbría	12-2	Os Miúdos B
Os Miúdos	2-2	Xallas
Cee	8-4	Fisterra

 

Ligas de Veteranos, xornada 12

At. Milagrosa	1-2	San Lorenzo
Soneira	2-1	Dumbría

 

Crónicas da semana

• Ligas Galegas: Podemos co líder.
• 3ª Autonómica: Agra da malleira.
• 2ª Autonómica: Ameaza interior.
• 1ª Autonómica: De ouro no Platas.
• Preferente: Gustazo do Xallas.
• Atasco na operación saída.

 

Novas relacionadas

• Corredoira asume o desafío de ascender ao Baíñas.
• “Estoulle sendo infiel ao fútbol… cos meus fillos”.
• O Fútbol Base volve a Pedra Queimada.
• Remata o Curso de Monitor de Fútbol Base de Santa Comba e convócase un novo para Muros.
• Grandes nomes na lista de Pichichis das Ligas da Costa.

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.
• Mercado de Fichaxes: As Altas e Baixas dos equipos do Fútbol da Costa.

Fonte

• Redacción de QPC ([email protected]).