O Areal demostrou o potencial social do balonmán costeiro
12:43 15/10/18
Así recibía o Areal, o templo do balonmán costeiro, ao Xiria
Non foi un partido máis o do venres no Areal. O pavillón camariñán acollía o primeiro derbi comarcal da temporada e as afeccións, sobre todo a local, demostrou o poderío social do balonmán na nosa bisbarra. O ambiente resultou o esperado para a gran festa do balonmán da Costa da Morte, o das grandes ocasións.
Os Boya Blues foron unha auténtica festa, a pesar de que sobre o campo o potencial do Calvo Xiria decantou o partido para os carballeses. A afección verdinegra tampouco defraudou e co alcalde de Carballo, Evencio Ferrero á cabeza, abarrotaron unha das bancadas do pavillón camariñán. Mais de cincocentas persoas aproveitaron o día festivo para gozar dun encontro sempre rechamante e especial entre dous equipos veciños.
Ademais, en 2ª Autonómica, bo debut en liga do Balonmán Xallas, que se trouxo para Santa Comba 2 puntos dunha pista complicada.
1ª Estatal
- Resultado: Bm. Camariñas - Calvo Xiria (16-29).
- BM. Camariñas: Cristian Vigo (Álex Canosa e Félix); Fabián (1), Alan (3), Fari (4), Antelo (1), Eusebio (4), Xabi (1) -equipo inicial- Héctor, Catalán (2), Fran, Manuel Parga, José Manuel Romar, César e Bieito.
- CALVO XIRIA: Iago (Antonio); Iván Amarelle (4), Brais (1), Jorge (2), Julián (2), Carlos Vilanvoa (2), Juancar (4) -equipo inicial- Pablo (7), Manu (4), Chimpo (1), Álex Calvete (1), Fran Rei, Iago, Enrique Pena (1) e Gabi.
- MARCADOR CADA CINCO MINUTOS: 1-3, 2-5, 2-6, 5-6, 8-8, 8-10 (descanso), 11-17, 11-17, 13-20, 14-23, 15-26 e 16-29 (final).
2ª Autonómica
- Resultado: Balonmán Chapela - Balonmán Xallas (23-29)