Domingo. 31.05.2020
El tiempo

O Club Ciclista Dumbría xa é un dos máis numerosos de Galicia

O Club Ciclista Dumbría xa é un dos máis numerosos de Galicia

O pasado sábado, o Club de Ciclismo Dumbría presentábase a unha nova competición. Desta vez na cidade da Coruña, concretamente no polígono do Espíritu Santo, e nunha competición federada e organizada polo clube local do Cambre Caeiro. O clube dumbriés competiu cun total de 12 ciclistas, repartidos nas categorías principiante e cadetes.

Cómpre destacar a participación na categoría cadete que debutaba na modalidade de estrada cos deportistas, Jesús Suárez e Bertín Ramos, que pese a ser a primeira vez que desputaban unha carreira desta modalidade, cumpliron coas espectativas dentro dun nutrido pelotón con ciclistas moi experimentados.

Un clube en auxe

Deste xeito o club segue a medrar, tendo representacion en tódalas categorías federadas, tanto de btt coma de estrada. Na categoría de principiantes con idades comprendidas entre os 6 e os 10 anos, os representantes costeiros non puideron entrar en postos altos na clasificación, pero pese o pouco tempo de adestramento fan o percorrido con total normalidade.

Destacar tamén que o ciclismo Dumbría xa é por numero de deportistas un dos máis numerosos nas competicions. A día de hoxe, o club conta cun total de 20 ciclistas, todos federados e competindo a nivel Galego por toda a Comunidade.

Vindeira proba

A vindeira competición será o sábado 11 de agosto en Cambados.

Novas relacionadas

Fonte

comentarios