O Fisober volve sacar equipo B para dar máis cancha á canteira
Categorías inferiores do Fisober na pasada campaña 16-17
A vindeira temporada 2017/2018, na Liga Provincial competirá outro equipo costeiro. Ademais do Atletes e o Ponteceso FSF, competirá o Fisober B. Despois de dúas tempadas sen ter filial (a útlima foi na 14/15), o club dumbriés na súa aposta pola base vai de novo a participar na Liga Provincial.
Nas vindeiras datas irase confirmando tanto o corpo técnico do equipo como as xogadoras que o conformen. Pero a intención e darlle saída e minutos a xogadoras que viñan adestrando cos diferentes equipos, ademais das xogadoras de inferiores que por idade se quedaban sen poder competir esta tempada. Tamén será importante para que as xogadoras do equipo infantil de Galega poidan disputar máis minutos dado o curta que sole ser a súa liga debido a escaseza de equipos en dita categoría.
